12. Ngoue ko Ketisemaní

Naʻe fai ʻa e tā ʻo e fuʻu ʻōlive motuʻa ko ʻení ʻi ha feituʻu naʻe tuʻu ai ʻa e Ngoue ko Ketisemaní. Naʻe lotu ʻa e Fakamoʻuí ʻi ha feituʻu ofi mai ki heni hili ʻene ʻalu atu mei he loki ʻi ʻolungá ʻi he pō naʻe lavakiʻi ai iá.

Ngaahi Meʻa Mahuʻinga naʻe Hoko aí: Naʻe kamata heni ʻa e mamahiʻia ʻa Sīsū Kalaisi koeʻuhi ko e ngaahi angahala ʻa e faʻahinga ʻo e tangatá (Mātiu 26:36–44; Maʻake 14:32–41; T&F 19:16–19). Naʻe lavakiʻi ia ʻe Siutasi ʻIsikāliote ʻi he hili ʻEne lotú, pea naʻe liʻaki ia ʻe heʻene kau ākongá ʻi ha kiʻi vahaʻataimi siʻi hili hono puke ia ʻi he ngoué (Maʻake 14:50). (Vakai, FFL Ketisemani.)