25. Vaitafe Soataní
ʻOku kamata ʻa e Vaitafe Soataní ʻi he tokelau ʻo e Tahi ʻo Kālelí ʻo tafe mai ki ai, pea tafe atu mei ai ki he Tahi Maté ʻi he tongá. Naʻe faitaaʻi eni ʻo ofi ki he tafeʻanga ki tuʻa ʻo e vaitafé mei he Tahi Kālelí.
Ngaahi Meʻa Mahuʻinga naʻe Hoko aí: Naʻe fili ʻe Lote ʻa e ngaahi toafa tokalelei ʻo Soataní maʻana (Sēnesi 13:10–11). Naʻe vaeua ʻe Sosiua ʻa e ngaahi vaí, pea lava ʻa e kakai ʻIsilelí ʻo kolosi atu ai ki he fonua ʻo e talaʻofá (Sosiua 3:13–17; 4:1–9, 20–24). Naʻe vaeua ʻe ʻIlaisiā mo ʻIlaisa ʻa e ngaahi vaí (2 Ng. Tuʻi 2:5–8, 12–14). Naʻe fakamoʻui ʻa Neamani mei he kiliá (2 Ng. Tuʻi 5:1–15). Naʻe papitaiso ai ʻe Sione ko e Papitaisó ʻa e kakai tokolahi, kau ai ʻa e Fakamoʻuí (Mātiu 3:1–6, 13–16). (Vakai, FFL Vaitafe Soataní.)