27. Nāsaleti
Ko e tā ʻeni ʻo e kolo ko Nāsaletí ʻi he ʻahó ni, pea naʻe faitaaʻi ia ʻo hanga fakatonga. Ko ha kiʻi kolo siʻisiʻi ʻa Nāsaleti ʻi he taimi ʻo e Tohi Tapú.
Ngaahi Meʻa Mahuʻinga naʻe Hoko aí: Naʻe mamata ʻa Nīfai ʻi ha meʻa-hā-mai ki he faʻē ʻa e Fakamoʻuí ʻi Nāsaleti (1 Nīfai 11:13–22). Naʻe fakahā ʻe he ʻāngelo ko Kepalelí kia Mele te ne fanauʻi mai ʻa e Fakamoʻuí (Luke 1:26–35). Naʻe fakahā ʻe Kepaleli kia Siosefa ke ne maʻu ʻa Mele ko hono uaifi, pea ke ne ui ʻene tamá ko Sīsū (Mātiu 1:18–25). Naʻe tupu hake ʻa Sīsū ʻi Nāsaleti (Mātiu 2:19–23; Luke 2:4–40; 4:16). Naʻe fai ʻEne ʻuluaki malangá mo Ne fakahā ʻi he fale lotú ko e Mīsaiá Ia (Luke 4:16–21). Naʻe fakafisinga Ia ʻe he kakai ʻo Nāsaletí (Mātiu 13:54–58; Luke 4:22–30). (Vakai, FFL Nāsaleti.)