9. Temipale ʻo Hēlotá

ʻOku hā ʻi he tā ko ʻení ha sīpinga ʻi he ʻahó ni ʻo e temipale ʻo Hēlotá (sikeili fakafuofuá 1:50) ʻo hangē ko ia naʻe langa ʻi he taʻu T.S. 67. ʻOku hanga ʻe he ʻā ko ia ʻoku takatakai ʻi he temipalé ʻo ʻaaʻi ʻa e potu ko ia naʻe ʻi ai ʻa e Potu Toputapú; ko e potu tapú, mo e ngaahi lotoʻā lalahi ʻe tolú.

Ngaahi Meʻa Mahuʻinga naʻe Hoko aí: Naʻe ʻoatu ʻe Siosefa mo Mele ʻa e kiʻi pēpē ko Sīsuú ʻi he temipalé (Luke 2:22–38). Naʻe akonaki ʻa e Fakamoʻuí ʻi he temipalé ʻi hono taʻu 12 (Luke 2:41–46). Naʻe kapusi ʻe he Fakamoʻuí ʻa e kau fetongi paʻangá mei he temipalé (Mātiu 21:12–13) peá Ne kikiteʻi ʻa hono fakaʻauha ʻo e temipalé (Mātiu 24:1–2). ʻE langa ha temipale ʻi Selusalema ʻi he kahaʻú (ʻIsikeli 40–48; Sāk. 8:7–9). (Vakai, FFL Temipalé, Fale ʻo e ʻEikí.)