1. E kua tuatua maira te angela kiaku, Ka akara na, kia kite i taau uanga e te uanga katoa a toou au taeake! Kua akara atura au e kua kite atura i te enua i taputouia ra; e kua kite oki au i te au urupu tangata e manganui, e mei te one taatai te maata e kare e ope kia tatauia.

2. E akara atura au ki te au urupu tangata i putuputu mai e tamaki tetai ki tetai; e kite iora au i te tamaki, e te rongo tamaki, e te matemateanga maata i te koke i rotopu i toku iti tangata.

3. E kua kite katoa au i te au uki e manganui tei topa atu ka vai ei te tamaki e te taumaro i te enua ra; e kua kite oki au i te au oire e manganui, e kare oki au i tatau ana ia ratou no te maata.

4. Kite akera au i tetai poiri i te enua taputou ra; e kite atura au i te uira, e kua akarongo oki au i te mangungu, e te ngaueue enua, e te au tu aruru maata katoa ra. E kua kite au i te enua e te toka, kua ngaa; e kua kite oki au i te maunga i te pururu anga ki raro; e kua kite au i te au enua papu e kua ngaangaa; e kua kite au i te au oire e manganui kua pou i te ai e kua ngaro tetai pae ki raro i te enua, e e manganui te oire tei pururu ki raro, no te ngaueue anga oki o te enua.

5. E kite akera au i te reira au mea, akara atura au ki taua poiri ra, e kua ngaro atura mei te enua ra, e i na, kite atura au i te au urupu tangata e maata tei inga ki raro no te au akautungaanga maata e te rikarika oki a te Atu ra.

6. E akara akera au i te rangi i te veveteangaia, e kua eke maira te Punua Mamoe a te Atu mei runga mai i te rangi, e kua aere maira aia ki raro nei, e kua akakite mai oki iaia uaorai kia ratou ra.

7. Kua kite katoa au, e kua akakite atu oki e, kua tae mai te Vaerua Tapu ki runga i tetai atu nga tangata tino ngauru ma rua; e kua akonoia e kua ikiia oki ratou e te Atua.

8. Kua tuatua maira te angela kiaku, na ko maira, Ka akara ki te au pipi tino ngauru ma rua a te Punua Mamoe tei ikiia ei tauturu no taau ra uanga.

9. E kua tuatua maira aia kiaku, kua akamaara ainei koe i te au aposetolo tino ngauru ma rua a te Punua Mamoe ra? I na, ko ratou ïa te ka akava i nga kopu tino ngauru ma rua o Iseraela ra, e no reira, ka akavaia. te ngauru ma rua no toou ra uanga e ratou, no te mea oki no te ngutuare kotou o Iseraela ra.

10. E ko te tino ngauru ma rua taau e akara nei na ratou e akava i toou ra uanga. E i na, e au tangata tuatua tika ratou e tuatau ua atu, no to ratou akarongo oki i te Punua Mamoe a te Atua ka teatea to ratou kakau i tona ra toto.

11. E kua tuatua maira te angela kiaku, Ka akara na! Akara atura au e kua kite atura i nga uki e toru tei topa atu mei te tuatua tika, e kua teatea to ratou kakau mei to te Punua Mamoe a te Atu ra. E kua tuatua maira te angela kiaku. No to ratou akarongo i te Punua Mamoe ra i teateaʼi ratou i tona toto.

12. E kua kite katoa au ko Niphai, i te au tangata e manganui no te ā o te uki i te mate anga i roto i te tuatua tika.

13. Kua kite oki au e, kua akaputuputu mai te au urupu maata o te ao nei.

14. E kua karanga maira te angela kiaku, ka akara ki taau uanga e te uanga katoa at toou au taeake.

15. Kua akara atura au e kua kite atura i te au tangata o toku ra uanga, e kua putuputu mai ratou e mananui kia tamaki i te au urupu mamaata no te uanga a toku au taeake.

16. E kua tuatua maira te angela kiaku, na ko maira, E akara ki te vai repo ta toou metua i kite ra, koia oki te kauvai tana i tuatua ra; e to roto i reira, te ngai oonu ïa i ade ra.

17. E te poiri ra, ko te au timataanga ïa a te tiaporo, ko tei akapoiri i te mata e tei akaketaketa oki i te ngakau o te tamariki a te tangata nei; e tei arataki oki ia ratou na te ara aano kia mate ratou, e kia ngaro rava atura.

18. E te are maata e te aano ta toou metua i akara ra, ko te au manako puapinga kore e te ngakau parau o te tamariki a te tangata nei; e kua akatakaia ratou no tetai vaarua oonu e te rikarika ra; koia oki te tuatua tika a te Atua mutu kore, e te Mesia oki, koia te Punua Mamoe a te Atua, koia oki ta te Vaerua Tapu i akakite mai mei muatangana mai o teianei ao e tae roa mai ki teianei, e mei teianei, e tuatau ua atu.

19. I to te angela tuatua anga mai i teianei au tuatua, kua akara atu au e kite atura au i te uanga a toku nga taeake, e kua tamaki maira ratou ki taku uanga, mei ta te angela i tuatua maira; e no te akaparau o taku ra uanga e te au timataanga a te tiaporo, kua kite au e, kua akaviia te tangata o toku ra uanga e te uanga a toku ra nga taeake.

20. Akara atura au, e kite atura au i te uanga a toku nga taeake, e kua akavi ratou i toku ra uanga, e kua aere ua ratou ki runga i te enua te au urupu maata ua atu.

21. Kua kite katoa au ia ratou i te akaputuputu anga i te au pupu mamaata; e kua kite oki au i te tamaki, e te rongo tamaki i rotopu ia ratou; kua kite au e, e maata te uki tei topa atu i roto i te tamaki e te rongo tamaki.

22. E kua tuatua maira te angela kiaku, i na, e mate taua au uki ra i te akarongo kore.

23. E kua kite oki au e, kia tupu to ratou akaronga kore, kua riro ratou ei iti tangata muramura, e te inangaro koreia e te viivii e kua ki i te au angaanga viivii ra.