1. Ko teia au mea nei, ko ta toku metua ïa i akara e i akarongo, e i tuatua oki, i tona noo anga i roto i tetai puakapa i roto i te ō o Lemuela; e tetai atu au mea e manganui, kare e tika kia tataia ki runga i teianei au papa.

2. E teianei, mei taku i tata ana i te tuatua no teianei au papa, i na, e kare teianei au papa taku e kotikoti nei i te akapapaanga i te au tuatua katoatoa no toku iti tangata. Ko te au papa taku i kotikoti ana ki te tuatua katoatoa no toku iti tangata, kua tapa au ki te ingoa ko Niphai; no reira kua tuatuaia, ko te au papa a Niphai, i toku uaorai ingoa, e kua tapa katoaia teianei au papa ki te ingoa, ko te au papa a Niphai.

3. I na, kua akaueia mai au e te Atu kia maani au i teia nei au papa, kia kotikotiia tetai akapapaanga tuatua kia tataia te au angaanga tapu a toku iti tangata.

4. E i runga i tetai au papa ke ra, i kotikitiiaʼi te tuatua no te au o te ui ariki, e te au tamaki e te au pekapeka o toku iti tangata.

5. No reira, kua akaue mai te Atu kiaku kia maani i teianei au papa no tetai akakoroanga puapinga nana, kare ra au i kite i taua akakoroanga ra.

6. Kua kite te Atu i te au mea katoatoa mei muatangana maira; no reira i akateateamamao ei aia i tetai ravenga e akatupuiaʼi tana au angaanga katoatoa i rotopu i te au tamariki a te tangata nei; i na oki, tei iaia te mana kia akatupu i tana au tuatua katoatoa ra. E koia mou ïa. Amene.