1 ’E ’ia tae i taua mahana ra e parau mai ’oe ē : E te Fatu, e ’ārue au ia ’oe ; riri noa mai ho’i ’oe iā’u ra, ’ua fa’atīoi-’ē-hia rā tō ’oe riri, ’e ’ua ha’amāhanahana mai ’oe iā’u.

2 Inaha, ’o te Atua tō’u fa’aorara’a ; e ti’aturi au, ’e ’aita vau e mata’u ; ’o te Fatu ra ’o Iehova tō’u pūai ’e tā’u ’āruera’a ; ’e ’ua riro ato’a ’oia ’ei fa’aorara’a nō’u.

3 Nō reira, e huti ’outou i te pape ma te ’oa’oa nō roto mai i te mau ’āpo’o pape nō te fa’aorara’a.

4 ’E i te reira mahana ’outou e parau mai ai ē : ’A ’ārue i te Fatu, ’a ti’aoro atu i tōna ra i’oa, ’a fa’a’ite atu i tāna ra mau ’ohipa i rotopū i te mau ta’ata, ’a fa’a’ite atu ē ’ua fa’ateiteihia tōna ra i’oa.

5 ’A hīmene i te Fatu ; ’ua rave ho’i ’oia i te mau mea maita’i hau roa a’e i te maita’i ; ’ua ’itehia te reira i roto i te ao ato’a nei.

6 ’A pi’i pūai ’e ’a tuō ma te ’oa’oa, ’outou ’o tē pārahi nei i Ziona ; e mea rahi ho’i ’oia Tei Mo’a i ’Īserā’ela nei i rotopū ia ’outou ra.