2 Nephi

Pāpa’ira’a mo’a

Buka a Moromona

Mau mea i roto
Te ’ōmuara’a ’e te mau ’ite
1 Nephi
2 Nephi
Iakoba
Enosa
Iaroma
Omoni
Mau Parau a Moromona
Mosia
Alama
Helamana
3 Nephi
4 Nephi
Moromona
Etera
Moroni

2 Nephi

Pene 1
’Ua tohu Lehi nō ni’a i te hō’ē fenua ti’amā—E ha’apurarahia ’e e ha’amouhia tōna hua’ai mai te mea e pāto’i rātou i Tei Mo’a i ’Īserā’ela ra—’Ua a’o ’oia i tāna nā tamaiti ’ia ’ahu i te ha’ana tama’i o te parauti’a. Fātata 588–570 H.M.
Pene 2
Nā roto i te Mesia Mo’a e tae mai ai te fa’aorara’a—E mea tītauhia te ti’amāra’a nō te mā’iti nō te orara’a ’e nō te haerera’a i mua—’Ua hi’a Adamu ’ia vai te ta’ata—E ti’amāra’a tō te ta’ata nō te mā’iti i te ti’amāra’a ’e te ora mure ’ore. Fātata 588–570 H.M.
Pene 3
I ’Aiphiti ’ua ’ite Iosepha i te mau ’āti Nephi i roto i te hō’ē ’ōrama—’Ua tohu ’oia nō ni’a ia Iosepha Semita, te hi’o nō teie mau mahana hope’a nei ; nō ni’a ia Mose ’o tei fa’aora ia ’Īserā’ela ; ’e nō ni’a i te taera’a mai te Buka a Moromona. Fātata 588–570 H.M.
Pene 4
’Ua a’o ’e ’ua ha’amaita’i Lehi i tōna hua’ai—’Ua pohe ’oia ’e ’ua hunahia—’Ua ’oa’oa Nephi i tō te Atua maita’i iāna—’Ua ti’aturi Nephi i te Fatu ē a muri noa atu. Fātata 588–570 H.M.
Pene 5
’Ua fa’ata’a ’ē atu te mau ’āti Nephi ia rātou iho i te mau ’āti Lamana, ’ua ha’apa’o rātou i te ture a Mose, ’e ’ua patu i te hō’ē hiero—Nā roto i tō te mau ’āti Lamana ti’aturi ’ore, ’ua tāpū-’ē-hia rātou mai mua atu i te aro o te Fatu, ’ua ’anatemahia rātou, ’e ’ua riro rātou ’ei tā’iri nō te mau ’āti Nephi. Fātata 588–559 H.M.
Pene 6
Tē fa’ati’a ra Iakoba i te ’ā’amu o te ’āti Iuda : Te hōpoi-tītī-ra’a-hia i Babulonia ’e te fa’aho’ira’ahia mai ; te ’ohipa mo’a ’e te fa’asātaurora’ahia Tei Mo’a i ’Īserā’ela ; te tauturura’a i fāri’ihia nō ’ō mai i te mau ’Ētene ; ’e te fa’aho’ira’ahia mai te mau ’āti Iuda i te mau mahana hope’a ’a ti’aturi ai rātou i te Mesia. Fātata 559–545 H.M.
Pene 7
Tē tai’o noa ra Iakoba i te Isaia : Tē parau nei Isaia mai te Mesia ra—’Ua riro te vaha o te Mesia mai tō te feiā ’ite ra—E tu’u atu ’Oia i Tōna tua i te feiā i tā’iri mai—E’ita roa ’oia e tāfifihia—’A fa’aau i te Isaia 50. Fātata 559–545 H.M.
Pene 8
Tē tai’o noa ra Iakoba i te Isaia : I te mau mahana hope’a, e tāmāhanahana te Fatu ia Ziona ’e e ha’aputuputu ho’i ia ’Īserā’ela—E haere mai tei fa’aorahia i Ziona i roto i te ’oa’oa rahi—’A fa’aau i te Isaia 51 ’e 52:1–2. Fātata 559–545 H.M.
Pene 9
Tē fa’ata’a ra Iakoba ē, e ha’aputuputuhia te ’āti Iuda i roto i tō rātou mau fenua ato’a i fafauhia ra—Nā te Tāra’ehara e fa’aora i te ta’ata i te Hi’ara’a—E ti’afa’ahou mai te mau tino o te feiā pohe mai roto mai i te mēnema, ’e tō rātou mau vārua mai roto mai ia hade ’e te pāradaiso—E ha’avāhia rātou—Nā te Tāra’ehara e fa’aora i te ta’ata i te pohe, ia hade, i te diabolo, ’e i te māuiui hope ’ore—E fa’aorahia te feiā parauti’a i roto i te bāsileia o te Atua—’Ua fa’ata’ahia te mau utu’a nō te mau hara—Tei Mo’a i ’Īserā’ela ra ’o te tīa’i ’ūputa ïa. Fātata 559–545 H.M.
Pene 10
Tē fa’ata’a ra Iakoba ē, e fa’asātauro te mau ’āti Iuda i tō rātou Atua—E ha’apurarahia rātou ē tae roa i te tau e ha’amata ai rātou i te ti’aturi iāna—E riro te fenua Amerika ’ei fenua ti’amā ’e ’aita roa e ari’i e fa’atere i te reira—’A fa’ahau ia ’outou iho i te Atua ’e ’ia fāri’i i te fa’aorara’a nā roto i tōna maita’i. Fātata 559–545 H.M.
Pene 11
’Ua ’ite atu Iakoba i tōna Tāra’ehara—’Ua riro te ture a Mose ’ei taipe nō te Mesia ’e tē fa’a’ite pāpū nei te reira ē e tae mai ’oia. Fātata 559–545 H.M.
Pene 12
’Ua ’ite Isaia i te hiero nō te mau mahana hope’a nei, te ha’aputuputura’a o ’Īserā’ela, ’e te ha’avāra’a ’e te hau nō te tau mileniuma—E fa’aha’eha’ahia te feiā te’ote’o ’e te feiā parauti’a ’ore i te Tae-Piti-Ra’a Mai—’A fa’aau i te Isaia 2. Fātata 559–545 H.M.
Pene 13
E fa’autu’ahia Iuda ’e Ierusalema nō tō rāua ha’apa’o ’ore—E pāruru ’e e ha’avā te Fatu i tōna mau ta’ata—E ’anatemahia ’e e ha’amāuiuihia te mau tamāhine o Ziona nō tā rātou mau peu nō teie nei ao—’A fa’aau i te Isaia 3. Fātata 559–545 H.M.
Pene 14
E fa’aorahia ’e e tāmāhia Ziona ’e tāna ra mau tamari’i tamāhine i te tau nō te Mileniuma ra—’A fa’aau i te Isaia 4. Fātata 559–545 H.M.
Pene 15
E pau te ’ō vine (’Īserā’ela) a te Fatu, ’e e ha’apurarahia tōna ra mau ta’ata—E tae mai te ’oto i ni’a ia rātou i tō rātou taime tāivara’a ’e te ha’apurarara’ahia—E fa’ati’a te Fatu i te hō’ē reva ’e e ha’aputuputu ’oia ia ’Īserā’ela—’A fa’aau i te Isaia 5. Fātata 559–545 H.M.
Pene 16
’Ua ’ite mata Isaia i te Fatu—’Ua fa’a’orehia tā Isaia mau hara—’Ua pi’ihia ’oia nō te tohu—’Ua tohu ’oia nō ni’a i tā te mau ’āti Iuda pāto’ira’a i te mau ha’api’ira’a a te Mesia—E ho’i mai te toe’a o te mau ta’ata o Iuda—’A fa’aau i te Isaia 6. Fātata 559–545 H.M.
Pene 17
’Ua fa’atupu Epheraima ’e Arama i te ’arora’a ia Iuda—E fānauhia mai Iesu e te hō’ē pāretenia—’A fa’aau i te Isaia 7. Fātata 559–545 H.M.
Pene 18
E riro te Mesia mai te hō’ē ’ōfa’i turorira’a e mai te hō’ē mato māheaitura’a—’A ’imi i te Fatu, ’eiaha i te feiā hi’ohi’o e mutamuta ra—’A fāriu i te ture ’e i te ’itera’a pāpū nō te arata’ira’a—’A fa’aau i te Isaia 8. Fātata 559–545 H.M.
Pene 19
Tē a’o ra Isaia nō ni’a i te Mesia—E ’ite te mau ta’ata i roto i te pōiri i te māramarama rahi—’Ua fānau mai ho’i te hō’ē tama nā tātou—E riro ’oia ’ei Ari’i nō te Hau ’e e fa’atere ’oia i ni’a i te terōno nō Davida—’A fa’aau i te Isaia 9. Fātata 559–545 H.M.
Pene 20
’Ua riro te ha’amoura’a o Asura ’ei fa’ahōho’ara’a nō te ha’amoura’a o te feiā parauti’a ’ore i te Tae-Piti-Ra’a Mai—E mea iti roa te ta’ata e toe mai i muri iho i tō te Fatu ho’ira’a mai—E ho’i mai te toe’a o Iakoba i taua mahana ra—’A fa’aau i te Isaia 10. Fātata 559–545 H.M.
Pene 21
Nā te ohi o Iese (Mesia) e ha’avā i te feiā parauti’a—E parare te ’ite nō ni’a i te Atua nā ni’a i te fenua ato’a nei i te Mileniuma—E fa’ati’a te Fatu i te hō’ē reva ’e e ha’aputuputu ’oia ia ’Īserā’ela—’A fa’aau i te Isaia 11. Fātata 559–545 H.M.
Pene 22
I te tau mileniuma e ’ārue te mau ta’ata ato’a i te Fatu—E pārahi ’oia i rotopū ia rātou—’A fa’aau i te Isaia 12. Fātata 559–545 H.M.
Pene 23
’Ua riro te ha’amoura’a nō Babulonia ’ei hōho’a nō te ha’amoura’a i te Tae-Piti-Ra’a Mai—E riro taua mahana ra ’ei mahana nō te riri ’ū’ana ’e nō te tāho’ora’a—E hi’a Babulonia (te ao nei) ē a muri noa atu—’A fa’aau i te Isaia 13. Fātata 559–545 H.M.
Pene 24
E ha’aputuputuhia ’Īserā’ela ’e e oaoa rātou i te tau mileniuma—’Ua ti’avaruhia Lucifero mai te ra’i mai nō tōna ’ōrurehau—E upo’oti’a ’Īserā’ela i ni’a ia Babulonia (te ao nei)—’A fa’aau i te Isaia 14. Fātata 559–545 H.M.
Pene 25
Tē fa’ahanahana ra Nephi nō te parau pāpū—E māramarama te mau ta’ata i te mau parau tohu a Isaia ’ia tae i te mau mahana hope’a—E ho’i mai te mau ’āti Iuda mai Babulonia mai, e fa’asātauro rātou i te Mesia, ’e e ha’apurarahia rātou ’e e tā’irihia—E fa’aho’ihia mai rātou ’ia ti’aturi ana’e rātou i te Mesia—E tae mai ’oia nō te taime mātāmua e ono hānere matahiti i muri mai i tō Lehi fa’aru’era’a ia Ierusalema—’Ua ha’apa’o te mau ’āti Nephi i te ture a Mose ’e ’ua ti’aturi i te Mesia, i Tei Mo’a i ’Īserā’ela. Fātata 559–545 H.M.
Pene 26
E tāvini te Mesia i rotopū i te mau ’āti Nephi—’Ua ’ite ātea Nephi i te ha’amoura’ahia tōna ra mau ta’ata—E paraparau mai rātou nā roto mai i te repo—E fa’ati’a te mau ’Ētene i te mau ’ēkālesia ha’avare ’e te mau pupu ’ohipa huna—’Ua ’ōpani te Fatu i te mau ta’ata ’ia rave i te mau ’ohipa ha’avare a te mau tahu’a. Fātata 559–545 H.M.
Pene 27
E tāpo’i te pōiri ’e te tāivara’a i te fenua nei i te mau mahana hope’a—E tae mai te Buka a Moromona—E toru ’ite ’o tē fa’a’ite pāpū mai nō ni’a i te buka—E parau te hō’ē ta’ata ’aravihi ’e ’aita e ti’a iāna ’ia tai’o i te buka i tāpirihia—E rave te Fatu i te hō’ē ’ohipa māerehia ’e te ’ūmerehia—’A fa’aau i te Isaia 29. Fātata 559–545 H.M.
Pene 28
E rave rahi mau ’ēkālesia ha’avare ’o tē fa’ati’ahia i te mau mahana hope’a—E ha’api’i rātou i te mau ha’api’ira’a ha’avare, ’e te faufa’a ’ore, ’e te ma’ama’a ho’i—Nā roto i te mau ’orometua ha’avare e tupu rahi te tāivara’a—E fa’atupu te diabolo i te ’ārepurepu i roto i te ’ā’au o te ta’ata nei—E ha’api’i ’oia i te mau huru ha’api’ira’a ha’avare ato’a. Fātata 559–545 H.M.
Pene 29
E pāto’i e rave rahi mau ’Ētene i te Buka a Moromona—E parau rātou ē, ’aita mātou e hina’aro i te tahi atu Bibilia—E paraparau mai te Fatu i te mau nūna’a e rave rahi—E ha’avā ’oia i te ao nei nā roto mai i te mau buka i pāpa’ihia ra. Fātata 559–545 H.M.
Pene 30
E tai’ohia te mau ’Ētene i fa’afāriuhia i rotopū i te feiā i fafau atu i te Fatu—E rave rahi mau ’āti Lamana ’e mau ’āti Iuda ’o tē ti’aturi i te parau ’e ’o tē riro ’ei feiā au-maita’i-hia—E fa’aho’ihia mai ’Īserā’ela ’e e ha’amouhia te feiā parauti’a ’ore. Fātata 559–545 H.M.
Pene 31
Tē fa’a’ite nei Nephi nō te aha te Mesia i bāpetizohia ai—E mea ti’a roa i te ta’ata nei ’ia pe’e i te Mesia, ’ia bāpetizohia, ’ia fāri’i i te Vārua Maita’i, ’e ’ia fa’aitoito noa ē tae noa atu i te hope’a nō te fāri’i i te fa’aorara’a—Te tātarahapa ’e te bāpetizora’a ’o te ’ūputa ïa e tae atu ai i te ’ē’a apiapi ’e te piriha’o—E hōro’ahia te ora mure ’ore i te feiā ’o tē ha’apa’o i te mau fa’auera’a i muri iho i te bāpetizora’a. Fātata 559–545 H.M.
Pene 32
E paraparau mai te mau melahi nā roto i te mana o te Vārua Maita’i—E mea ti’a i te ta’ata ’ia pure ’e ’ia fāri’i i tō rātou iho ’ite nō ’ō mai i te Vārua Maita’i. Fātata 559–545 H.M.
Pene 33
E parau mau te mau parau a Nephi—Tē fa’a’ite pāpū nei te reira i te parau nō te Mesia—Te feiā e ti’aturi i te Mesia, e ti’aturi ato’a ïa rātou i te mau parau a Nephi, ’e e riro te reira ’ei ’ite i mua i te vāhi ha’avāra’a. Fātata 559–545 H.M.

Nene’i

Tu’u i te mau fa’a’ūra’a ’e te mau tārenira’a

Tomo i roto nō te fa’a’ohipa

Tu’u i te mau fa’ata’ara’a raro