1 Bey túnoʼ cu yantal u yúchul le baʼax dzíbtaanoʼ: Kaynen, le minaʼan palal tiʼoʼoboʼ, tech le maʼatech u yantal a paloʼob caʼacheʼ; kaynen yétel kaʼam tʼanen, tech le maʼ ta wuʼuyah u yahil u síhil a paleʼ; tumen maʼs yaʼab u palal le minaʼan palal tiʼoʼoboʼ que le palal le atan dzocaʼan u beloʼ, cu yaʼalic Yumtsil.

2 Nohochquiʼns tuʼux a dzamaʼh le bisbil nah a mentmaʼh yétel nokoʼoboʼ yétel chowácchahal le nok cu pixic le ventanas ta tanahoʼ; maʼ a pʼátal cúqueʼexiʼ, chowácquiʼnt a sumiloʼob, dza u muk tiʼ le cheʼoʼob a bahmaʼh luʼum tuʼux ca kaxic u sumil a wotoch mentaan yétel nokoʼ.

3 Tumen ta xdzíc yétel ta xnoʼoheʼ séb bín nohochchaquech; yételeʼ a palaleʼ letiʼoʼob cun kamic le maʼ Judioʼoboʼ, bín u cahtal a palal tiʼ le cahoʼob pʼataanoʼoboʼ.

4 Maʼ a chʼaʼic sahaquiʼl, tumen maʼ bín a chʼa subtaliʼ, mix u lúbul a wól tumen maʼ bín sublaccunsaʼaquechiʼ; tumen bín a tuʼubs u sublaquiʼl a tanquelmil, u keyel a tanquelmileʼ maʼ bín kaʼahac techiʼ, bín xan a tuʼubsaʼal tech a yah ólal tu yoʼolal a cuxtal xmaʼ a wícham.

5 Tumen le maʼx u betmaʼheʼchoʼ, letiʼ a wíchameʼ u Yumtsilil le cu baʼateloʼoboʼ u kabaʼ, a Salvadorileʼ, u Santoil Israel, bín u kabaʼint u Hahal Diosil tulácal luʼum.

6 Tumen bey huntúl pʼataan coʼolel sén yah tu yól, tu tʼanilech Yumtsileʼ, yételeʼ beyech huntúl tanquelen atan cah pʼaʼatecheʼ, cu yaʼalic a Hahal Dios.

7 Tiʼn pʼataheʼch hun sútuc, baʼaleʼ quen in caʼ ótsilil tiʼ tech yétel in molech.

8 Tiʼ humpʼít kuxil tiʼn taacah in wich tiʼ tech hunsútuc, baʼaleʼ bín in chʼa ótsilil tiʼ tech yétel utsil minaʼan u xul, cu yaʼalic Yumtsil a Salvador.

9 Tu yoʼolalaʼ u haʼiloʼob Noe tiʼ ten, tumen tiʼn betah promesa de que u haʼiloʼob Noe mixbikin cun buʼulul yókolcab tu caʼaténeʼ, bey xanaʼ teneʼ in betmaʼh promesa maʼ tiʼn kúxul ta wétel.

10 Tumen le luʼum hach caʼanal bín saʼataac yétel bín luksaʼac, baʼaleʼ in wutsileʼ maʼ bín náchchahac tiʼ techiʼ, mix bín luksaʼac u promesa in cahal, cu yaʼalic Yumtsil le cu chʼaʼic ótsilil tiʼ techoʼ.

11 Sén yah ta wól, títech tumen kaʼam chác yétel maʼ tu tal tiʼ tech pazaʼ! Heʼel túnaʼ bín in dza a tunichiloʼob yétel hadzuts coloroob, yételeʼ bin in dza a chun pakil yétel tunichoʼob ázultacoʼob hach coʼoh.

12 Bín in bet a ventanaoʼob yétel chan hadzuts tunich cu kabaʼtiʼc agata, u holnahileʼ yétel rubi, tulácal tuʼux can cahtaleʼ quiʼn betiʼc yétel coʼocoʼoh tunichoʼob hach hadzutstac.

13 Tulácal a palaloʼobeʼ bín caʼansaʼacoʼob tumen Yumtsil; yétel hach yan u sén yaʼabtal u pazil a palaloʼob.

14 Tiʼ le baʼax tohoʼ bín wédzcuntaaquech; nách tiʼ a enemigoeʼex tumen maʼ bín úchuc techiʼ, baʼaleʼ bín náchchac tiʼ tech.

15 Heʼel túnaʼ tu hahil bín u múchʼquiʼntubaoʼob ta contra, baʼaleʼ maʼ tiʼn woʼolaliʼ; le maʼxoʼob quen u múchʼubaoʼob ta contraeʼ bín lúbucoʼob ta woʼolal tech.

16 Heʼel túnaʼ teneʼ in betmaʼh le maʼx cu mentiʼc maʼscab yétel cu yustiʼc le chúc teʼ kákoʼ yétel cu hoksic le nuʼucul utiaʼal u meyahoʼ; teneʼ in betmaʼh xan le maʼx cu kascuntiʼcoʼ utiaʼal u xuʼulsic.

17 Mix humpʼél armaʼ mentaan ta contra cun úchuc uts tiʼ tulácal yak maʼc cun tʼan ta contra tiʼ juicioeʼ, tech can wáʼalic maʼ tiʼ. Lelaʼ letiʼ u baʼaluba u meyhuloʼob Yumtsil, yételeʼ u toh beliʼleʼ tiʼ ten u tal, cu yaʼalic Yumtsil.