1 Cu dzoʼocol tún u yaʼalic Jesus le tʼanoʼobaʼ ca tu yaʼalah tiʼ huhuntúlil: Baʼax a káteʼex tiʼ ten antes quen xiʼiquen tiʼ le Tataoʼ?

2 Tulácaloʼob tu núcahoʼob, chén óxtúl, maʼ h núcahoʼobiʼ, heʼ h núcahoʼoboʼ tu yaʼalahoʼob: C káteʼ, le cu dzoʼocol c cuxtal heʼebix u haʼabil huntúl maʼqueʼ, yétel le cu dzoʼocol le kinoʼob yan toʼon, ca pátchahac séb c tal ta wicnal teʼ ta reinoiloʼ.

3 Letiʼeʼ ca tu núcah tiʼoʼob: Bendecirtaaneʼex tumen ca dzíboltiʼqueʼex tiʼ ten lelaʼ; le betiʼqueʼ le quen anac teʼex setentiʼdos haʼab ca taleʼex tiʼn wicnal teʼ tiʼn reino; yételeʼ tiʼn wicnal bín a caxteʼex heʼeleʼl.

4 Le cah dzoʼoc u tʼan yételoʼobeʼ ca tu sutah tiʼ le óxtúloʼoboʼ ca tu yaʼalah tiʼoʼob: Baʼax a káteʼex ca in bet atiaʼaleʼex le quen xiʼiquen tiʼ le Tataoʼ?

5 Ca tún yuʼububaoʼob ótsil tu pucsiʼkaloʼob, tumen maʼ tu kátoʼob caʼach u yaʼaloʼob baʼax u kátoʼobiʼ.

6 Ca tu yaʼalah tiʼoʼob: Heʼel túnaʼ, teneʼ in woheʼl baʼax yan ta tuculeʼex. A kateʼex hach le baʼax tu dzíboltah tiʼ ten Juan, maʼx in yabiltmaʼh, le maʼx h maʼn tiʼn wétel tiʼn meyahil antes líksaʼaben tumen le Judioʼoboʼ;

7 Le betiʼqueʼ maʼs bendecirtaaneʼex teʼex tumen maʼ bín maʼnaqueʼex tiʼ químiliʼ; baʼaleʼ bín cuxlaqueʼex tac le quen a wileʼex tulácal baʼax u mentmaʼh le Tata yétel u palal maʼcoʼoboʼ, tac xan le quen chucpahac tulácal baʼaloʼob heʼebix u yólah le Tataoʼ, le quen talaquen tiʼn sásil yétel u páhtalil le caʼanoʼ.

8 Mix bikin bín a mukyahteʼex u kiʼinam químil; baʼaleʼ le quen talaquen tiʼn sásileʼ, bín keʼexequeʼex tiʼ le cuxtal heʼelaʼ le cuxtal minaʼan u xuloʼ un sútuc; bey túnoʼ bín bendecirtaaqueʼex teʼ tu reinoil in Tataoʼ.

9 Tu caʼaténeʼ maʼ bín a wuʼuyeʼex yahil caʼaliquiʼl cuxaʼaneʼex ta bakeleʼexiʼ, mix yayah ó1, baʼaleʼ yoʼolal u keban yokolcab ten bín in bet tulácal lelaʼ tu yoʼolal in yabilah tiʼ le baʼax ta dzíboltaheʼex tiʼ teneʼ, tumen ta dzíboltaheʼex páhtalil utiaʼal tasiqueʼex maʼcoʼob tiʼn wicnal caʼaliquiʼl tyaʼan le yokolcaboʼ.

10 Tu yoʼolal tún lelaʼ cu yantal teʼex hach chucaʼan can quiʼmaʼc a wóleʼex; yétel bín culaqueʼex tu reino in Tata; beyoʼ, a quiʼmaʼc ólaleʼexeʼ bín anac hach chucaʼan, bey heʼebix dzabaʼan ten chucaʼan quiʼmaʼc ólal tumen le Tataoʼ; yétel bín beychaqueʼex xan bey heʼebixeneʼ, yétel teneʼ beyen heʼebix le Tataoʼ, le Tata yétel tenoʼ humpʼéliloʼon.

11 Le Pixan u túxtiʼc Diosoʼ letiʼ dzaic testiʼmonio tu yoʼolal le Tataoʼyétel tiʼn woʼolal; le xan le Tataoʼ, letiʼ dzaic le Pixan u túxtiʼc Dios tiʼ u palal maʼcoʼob tiʼn woʼolaloʼ.

12 Cu dzoʼocol tún u yaʼalic le tʼanoʼobaʼ, Jesuseʼ tu ungirtah cada huntúliloʼob yétel u dedo u kab, baʼaleʼ maʼ tu ungirtah le óxtúloʼob cun h pʼátaloʼobeʼ, ca tún h bini.

13 Heʼel túnaʼ ca heʼekabpahiʼ le caʼanoʼ, le tún óxtúloʼobaʼ cah líksaʼaboʼob caʼan, ca tún tu yuʼubahoʼob yétel tu yilahoʼob baʼaloʼob maʼ tu páhtal u caʼa tsoʼolol.

14 Maʼ h chaʼab u tʼanoʼobiʼ, mix h dzaʼab páhtalil tiʼoʼob utiaʼal u yaʼalicoʼob le baʼaxoʼob tu yilahoʼob yétel tu yuʼubahoʼoboʼ.

15 Maʼ tún h páhchah u yaʼalicoʼob wá ichil wínclil yanoʼobeʼ wá hóksaʼanoʼob tiʼ le wíncliloʼ; tu yuʼubahoʼob bey tu heʼlpahal tiʼoʼobe; bey h keʼex u wíncliloʼob mentaan yétel bakeʼ, tiʼ ulak cuxtal maʼ tu químil umpulieʼ, tu yoʼolal u páhtal u yilicoʼob u baʼaliloʼob Hahal Dios.

16 Baʼaleʼ anchah tu caʼaténeʼ caʼa meyahnahoʼob wáy yokolcabeʼ, chén baʼaleʼ maʼ tu yaʼalahoʼob le baʼaxoʼob dzoʼoc u yuʼubicoʼob yétel tu yilahoʼoboʼ, yoʼolal le maʼndamientoʼob h dzaʼab tiʼoʼob teʼ caʼanoʼ.

17 Baʼaleʼ wá cu páhtal u quiʼmil wá maʼ tu químileʼ le quen dzoʼococ u maʼn u kinil cu heʼlpahaloʼobeʼ leloʼ maʼ in woheʼliʼ.

18 Chén in wohʼeleʼ heʼebix u yaʼalil le baʼaxoʼob dzíbtaan le cah dzaʼaboʼ, letiʼoʼobeʼ h maʼnoʼob wáy tu luʼumil, tán u meyahoʼob ichil tulácal le cahoʼ, tán u dzaicoʼob oc haʼ yétel tán u bin u yaʼabcuntiʼcoʼob le maʼcoʼob tiʼ le iglesiaoʼ, tulácal le maʼxoʼob cu creertoʼob tiʼ u tʼanoʼob; tulácal le maʼxoʼob oc haʼnahoʼoboʼ tu kamaʼhoʼob le Pixan u túxtiʼc Diosoʼ.

19 Cah tún h dzaʼaboʼob tiʼ tuʼux kalaʼan tumen le maʼxoʼob maʼatech múchʼchahoʼob tiʼ le iglesiaoʼ. Le tuʼuxoʼob kalbil tuʼuxoʼ maʼ h pátchah u kalicoʼobiʼ tumen hadzaʼab tu chúmuquiʼl.

20 Ca tún h muʼucoʼob tu holoʼob ich luʼum; baʼaleʼ tu betoʼob u loxchahal le luʼum yétel u tʼan Hahal Diosoʼ, tu yoʼolal tún u páhtalileʼ cu toquiʼcubaoʼob tiʼ u tamil le luʼumoʼ; le betiʼc tún leloʼ, maʼ tán u páhtal u pánicoʼob tam le luʼum tu yoʼolal u páhtal u dzaicoʼoboʼ.

21 Óxténeʼ h puʼuloʼob ichil humpʼél orno tun tóchʼ u kákileʼ mix h betaab u toʼocoloʼobiʼ.

22 Caʼaténeʼ h puʼuloʼob ichil chiʼibal baʼalcheʼoʼob heʼel túnaʼ, h báxalnahoʼob yétel le baʼalcheʼoʼoboʼ bey huntúl chán pal cu báxal yétel huntúl meheʼn tamaʼneʼ tán u maʼ kaʼam mix humpʼél kas.

23 Ca tún anchah u yúchuleʼ bey úchic u maʼnoʼob ichil tulácal u cahal Nefi, yétel tu tsolicoʼob u caʼansahil Cristo tiʼ tulácal u maʼx tiʼ luʼumoʼ, ca tún creernahoʼob tiʼ Yumtsil yétel tu múchʼahubaoʼob tiʼ u iglesia Cristo; bey tún úchic u bendecirtaal u cahal le maʼxoʼob cuxaʼan heʼeloʼ, heʼebix u yaʼalmaʼhil Jesuseʼ.

24 Beʼora tún, Mormonen ten quiʼn pʼatiʼc in dzíbtiʼc le baʼaloʼob behlaʼaʼ.

25 Heʼel túnaʼ taitac caʼach in dzíbt u kabaʼ le maʼxoʼob maʼ bín u químiloʼ, baʼaleʼ Yumtsileʼ tu yaʼalah maʼ; le betiʼqueʼ maʼ tán in dzíbtiʼcoʼob, tumen taacaʼan tiʼ yokolcab.

26 Baʼaleʼ heʼel túnaʼ, teneʼ in wilmaʼh yétel tu meyahtiʼquenoʼob caʼachiʼ.

27 Heʼel túnaʼ bín anacoʼob ichil le maʼxoʼob maʼ tiʼ u nahil Israel u taloʼoboʼ baʼaleʼ le heʼeloʼobaʼ maʼ bín u kahóltoʼobi.

28 Bín xan yanac ichil le Judioʼoboʼ baʼaleʼ mix letiʼoʼob bín u kahóltoʼob.

29 Yumtsil yan u yúchul le quen yanac u tucul cu páhtaleʼ cu meyahtoʼob uts ichil tulácal le kiʼitpahaʼan tribuoʼob Israeloʼ, yétel ichil tulácal le nacionoʼob, familiaoʼob, tʼanoʼob yétel cahoʼoboʼ; yételeʼ ichiloʼobeʼ bín u bisoʼob yaʼabach pixanoʼob tu yicnal Jesus tu yoʼolal u dzoʼocpahal n dzíbolaloʼob yétel beyxann tu yoʼolal le u páhtalil Hahal utiaʼal cu caʼansic yan tiʼoʼoboʼ.

30 Yételeʼ beyoʼob u angeloʼob Hahal Dioseʼ; wá xan ca orarnacoʼob tiʼ le Tata tu kabaʼ Jesuseʼ heʼel u páhtal u chicbesicubaoʼob tiʼ heʼemaʼxac wá cu yóltoʼobeʼ.

31 Le betiʼqueʼ bín u betoʼob nucuch meyahoʼob yétel cu haʼaks u yól maʼcoʼob antes ca kuchúc le hach nohoch kin cun h taloʼ, leloʼ tu hahil letiʼ tún u kinil quen u láh múchʼquiʼntuba maʼcoʼob tuʼux cun h juzgarbiloʼob tu tán Cristo;

32 Beyoʼ, tac ichil le maʼxoʼob maʼ tiʼ u nahil Israel u taloʼoboʼ bín u betoʼob humpʼél nohoch meyah cu haʼak u yóloʼob maʼcoʼob antes ca kuchuc u kinil le juicioʼ.

33 Yételeʼ wá yan teʼex tulácal le dzíboʼob cu yaʼalicoʼob tulácal le baʼal cu haʼak a wóleʼ meyahoʼob Cristooʼ, heʼel a wohéltiʼqueʼexeʼ, heʼebix u yaʼalmaʼh Cristoeʼ, le baʼaloʼobaʼ, yan u taloʼoboʼ.

34 Yan ótsil tiʼ le maʼx maʼ tán u yuʼubic u tʼan Jesusoʼ, mix xan u tʼan le maʼxoʼob maʼ tu kamicoʼob u tʼan Jesus mix xan u tʼan le maʼxoʼob u túxmaʼhoʼ, mix xan letiʼ cu kamicoʼob; le betiʼc túneʼ letiʼeʼ maʼ bín u kam xan letiʼoʼob tu dzoc kinoʼ.

35 Mas maʼalob utiaʼaloʼob wá maʼ síhiloʼob. Ca tucultiʼqueʼex wá hu páhtal a puliqueʼex u justiʼcia huntúl Hahal Dios yaʼacheʼtaan, dzoʼoc u peʼpeʼchahtaal tumen maʼcoʼob, tu yoʼolal letiʼ cun h tal cuxtal minaʼan u xul?

36 Heʼel túnaʼ, tu yoʼolal le baʼax tiʼn wáʼalah yoʼolal le maʼxoʼob yéyaʼan tumen Yumtsiloʼ, bey le óxtúl maʼcoʼob h bisaʼab teʼ caʼanoʼ, teneʼ maʼ in woheʼl caʼach wá dzoʼoc u saccuntiʼcuba u le cah maʼcoʼob tiʼ le cuxtalaʼ tiʼ le cuxtal xmaʼ le quiʼmiloʼ;

37 Heʼel túnaʼ, cu dzoʼocol in dzíbeʼ tiʼn kátah tiʼ Yumtsil, letiʼeʼ tu yeʼesah ten, hach kabétchahal u betaal humpʼél kexpahal tiʼ u wíncliloʼob wá maʼeʼ yan u químil.

38 Le betiʼqueʼ, tu yoʼolal maʼ u yantal u químiloʼobeʼ úch humpʼél kexpahal tiʼ u wíncliloʼob tu yoʼolal maʼ u yuʼububaoʼob kiʼinam mix yayah ólal, chén tu yoʼolal u keban u yokolcab.

39 Baʼaleʼ le kexpahalaʼ maʼ bey heʼebix le cun yantal tu dzoc kinoʼ; baʼaleʼ anchah humpʼél kexpahal tiʼ letiʼoʼob, utiaʼal Satanaseʼ minaʼan u páhtalil u pʼecs u yól u mentiʼcoʼob kas, ca tún saccunsaʼaboʼob tiʼ le bakoʼ, tu yoʼolal u pʼátaloʼob sagrado yétel maʼ u páhtal u kaxaʼal tumen u páhtalil yokolcab.

40 Bey tún bín pʼátacoʼob tac utiaʼal u kinil cu kubic cuentaoʼob tiʼ Cristooʼ; yételeʼ tiʼ le kinoʼ bín u kamoʼob humpʼél kexpahal maʼs nohoch yétel bín kaʼamaʼcoʼob tu reino le Tataoʼ utiaʼal mix bikin bín caʼa hókocoʼob, utiaʼal cahtal yétel Hahal Dios utiaʼal minaʼan u xul tu caʼaniloʼoboʼ.