1 Tumen heʼel túnaʼ tán u tal le kin cun chocotal bey ornoil; yételeʼ tulácal le caʼanal u yichoʼoboʼ, hah, yétel tulácal le maʼxoʼob cu betiʼcoʼob kebanoʼ bín pʼátacoʼob bey heʼebix u sacabil nal dzoʼoc u toʼocoleʼ, tiʼ le kin cu taloʼ, letiʼeʼ bín u tócoʼob, cu yaʼalic u Yumtsilil le cu baʼateloʼoboʼ, tu yoʼolal maʼ tu pʼatiʼc mix u mots mix u xaʼay.

2 Baʼaleʼ tiʼ teʼex sahaqueʼex tiʼn kabaʼeʼ bín líkiʼc u Pal le baʼax Maʼaloboʼ ca u tas dzac tu xik; yétel yan a hókoleʼex, yan a tséntabaeʼex bey wácax tiʼ caʼancheʼeʼ.

3 Yan tún a pepeʼchakteʼex le maʼxoʼob kasaʼanoʼoboʼ; tumen yan u beytaloʼob heʼebix le luk tiʼ kák yánal a woqueʼex tiʼ le kin quen in bet lelaʼ, cu yaʼalic u Yumtsilil le cu baʼateloʼoboʼ.

4 Kaʼahaʼan teʼex u leyil Moises, in siervo, tiʼn túxtah tiʼ letiʼ teʼ Horeb utiaʼal tulácal Israel, yétel le tʼanoʼoboʼ yétel le juicioʼoboʼ.

5 Heʼel túnaʼ leʼ in túxtiʼc teʼex profeta Elias antes u kuchul u nohoch yétel hach yah kin Yumtsiloʼ.

6 Letiʼ túneʼ heʼel u sutiʼc u tuculil le tatatsiloʼob tiʼ u palaloʼoboʼ, yétel u tuculil le palaloʼoboʼ heʼel u sutiʼc tiʼ le tatatsiloʼoboʼ, maʼ xan ca taqueneʼ ca in bet lob tiʼ luʼum yétel humpʼél kasiʼl.