1 Uuyeʼex, teʼex maʼtiʼ u nahil Israel a talʼexiʼ, uʼuyeʼex tu bel u tʼan Jesucristo, u Pal le Hahal Dios cuxaʼan, tʼanoʼob u yaʼalmaʼh ten in wáʼal ta woʼolaleʼex! Tumen heʼeleʼ letiʼ tu yaʼalah ten ca in dzíbt bey cu yaʼalicaʼ:

2 Suneneʼex tulácaleʼex teʼex maʼ tiʼ u nahil Israel a taleʼexiʼ, pʼateʼex u behil kakas cuxtal; yétel kex a wóleʼex ti baʼaxoʼob kastac ta mentaheʼex, tiʼ a tuseʼex tiʼ a kebaneʼex ca chitaleʼex yétel yaʼab coʼoleloʼoboʼ, mucul tʼanbil keban maʼcoʼob, ca adorartiʼqueʼex diosoʼob mentaan tumen maʼc, ca quínsic maʼc, wocoleʼex tiʼ sacerdoteoʼob tu yoʼolal a caxtiʼqueʼex takin, ca dzíbotiʼc baʼax maʼ atiaʼaleʼexiʼ, baʼatel, yétel tulácal a kebaneʼex yétel a hach nucuch kebaneʼex, coʼoteneʼex tiʼn wicnal, ca oc haʼanaqueʼex tiʼn kabaʼeʼ tu yoʼolal a kamiqueʼex a pʼataal perdonartaan a kebaneʼex yétel ca chuʼupuqueʼex yétel le Pixan cu túxtiʼc Dios tu yoʼolal a xoʼocoleʼex ichil le maʼxoʼoboʼ, maʼxoʼob tu nahil Israel u taloʼob.