1 Behlaeʼ, heʼel túnaʼ quiʼn wáʼalic teʼexeʼ, Yumtsileʼ yétel u naʼatiʼleʼ, le quen u tucult cu páhtal u kuchul le tʼanoʼob tiʼ le maʼxoʼob maʼ tiʼ u nahil Israel u taloʼoboʼ, heʼebix u canántmaʼhileʼ, ca naʼatiʼqueʼex tún tán u cáhal u láh betaal le promesa u mentmaʼh le Tata yétel u palal Israel, tuʼux cu yaʼalic cun yutsquiʼntiʼc tiʼ u luʼumil utiaʼalintoʼob tu caʼaténoʼ.

2 Yétel bín a wohélteʼexeʼ, u tʼanoʼob Yumtsil, u yaʼalmaʼh le profetaoʼoboʼ bín láh betaac tulácal; maʼ bin a caʼah a wáʼaleʼexeʼ cu xántal u tal yicnal u palal Israel.

3 Maʼ u deber ca a tuculteʼex ta pucsiʼkaleʼexeʼ chén mixbaʼal u bilal le sénquech tʼanoʼob dzoʼoc u yaʼalaʼaloʼ, heʼel túnaʼ, Hahal Dios bín u kaʼahs u promesa yaʼalmaʼh tiʼ u cahal u yotoch Israeleʼ.

4 Le tún quen a wileʼex cu chicpahal le tʼanoʼob ichileʼexaʼ maʼ ca anac a náchcuntiʼcoʼob le baʼaxoʼob cu betiʼc Yumtsiioʼ, tumen u tadz maʼscab u justiʼciaeʼ tyaʼan tu xnoʼoh kabil; heʼel túnaʼ, wá tiʼ le kinoʼ ca sutpachcunsiqueʼex u meyahoʼobeʼ, letiʼ bín u bet u séb chupachtiʼqueʼex.

5 Yan ótsil tiʼ le maʼx cu sutpachcunsic baʼaxoʼob u mentmaʼh Yumtsiloʼ; bixmaʼiʼ, ótsil le maʼx cu yaʼalic maʼ tu yoʼolal Cristo yétel u meyahoʼ.

6 Heʼeleʼ yan ótsil tiʼ le maʼx cu yaʼalic minaʼan le baʼaxoʼob u yeʼesmaʼh Yumtsiloʼ, yétel le xan le maʼx cu yaʼalic maʼ tu meyah Yumtsil beyoʼ maʼ tu tʼan yétel maʼc, mix yétel u tʼan cu tal tiʼ caʼanoʼ, mix cu dzaic sibil baʼaloʼob, mix tʼanoʼob, mix dzaquiʼl cu meyah yétel u páhtalil le Pixan cu túxtiʼc Dios.

7 Bixmaʼiʼ yan ótsil tiʼ le maʼx quen u yaʼal tiʼ le kin, utiaʼal u caxtiʼc takinoʼ, Jesucristoeʼ maʼ bín tu páhtal u betiʼc mix humpʼél baʼal cu haʼaksic yól maʼc! Tumen le maʼx aʼalic beyaʼ, bín beychahac heʼebix u pal le perdertaanoʼ tu yoʼolal maʼx maʼ tu chʼaʼabal ótsil tiʼ heʼex u yaʼalmaʼh Cristoeʼ.

8 Bixmaʼiʼ, maʼ u deber u yantal a pʼaʼastiʼqueʼex mix a chʼaʼapachiqueʼex mix ca báxal tʼan le judioʼoboʼ, mix a wedztiʼqueʼexoʼob, mix huntúl tiʼ u yalab u nahil Israel; tumen heʼel túnaʼ, Yumtsileʼ cu kaʼahsic u promesa tiʼ, yétel letiʼoʼob yétel bín u bet baʼax u yaʼalmaʼh tu yoʼolaloʼob.

9 Le betiʼqueʼ maʼ a tuculteʼex heʼel u páhtal a sutiʼqueʼex u xnoʼoh kabil Yumtsil tu xdzíc tu yoʼolal maʼ betiʼc u juicio utiaʼal u láh betiʼc le promesa u betmaʼh yétel u nahil Israeloʼ.