1 Úch tún, ca tu yaʼalah tiʼoʼobeʼ ca u dzíbtoʼob le tʼanoʼob u dzamaʼh le Tata tiʼ Malaquiʼasoʼ, letiʼ cun aʼalic tiʼoʼob. Ca tún anchah u yúchuleʼ, cu dzoʼocol u dzíbtaaleʼ, ca tu tsolahoʼob. Le heʼeloʼobaʼ letiʼ le tʼanoʼob tu yaʼalah tiʼoʼobaʼ, ca tu yaʼalah: Bey tu yaʼalah le Tata tiʼ Malaquiʼasaʼ; Heʼel túnaʼ heʼ in túxtiʼc maʼx cu bisic in tʼan letiʼ bín u ment listo le behoʼ actánil tiʼ ten yétel tu séblaquiʼleʼ le Yumtsil ca caxtiʼqueʼexoʼ cun tal tu temploil, beyoʼ, u maʼxil cu tasic u tʼanil le promesaoʼ, le maʼx cu quiʼmaʼccuntiʼc a wóleʼex; heʼel túnaʼ yan u tal letiʼ, cu yaʼalic u Yumtsilil le cu baʼateloʼoboʼ.

2 Yan wá maʼx maʼ tu kexpahal tu kinil u talbal? Yételeʼ maʼx cun páhtal u pʼátal wáʼalacbal le quen chicpahac? Tumen letiʼeʼ bey u kákil huntúl maʼc cu mentiʼc oro yétel bey u jabonil le maʼxoʼob cu pʼoʼ nokoʼobeʼ.

3 Yétel bín culac bey huntúl maʼc cu betiʼc kak yétel cu mentiʼc puro le plataoʼ, cu betiʼc puro u palal Levi yétel bín u betiʼcoʼob puro bey oro yétel plataeʼ tu yoʼolal ca u kuboʼob humpʼél ofrenda yétel toh cuxtal tiʼ Yumtsil.

4 U ofrenda Juda yétel Jerusaleneʼ bín anac hadzutsil tu tán Yumtsil, heʼebix tiʼ le úchben kinoʼoboʼ, bey heʼebix tiʼ le haʼaboʼob dzoʼoc u maʼnoʼ.

5 Teneʼ quiʼn nadzquiʼnba tiʼ tech utiaʼal juicio yétel séb quen in betiʼnba testiʼgoil tu contra le h pul yaʼahoʼoboʼ, yétel le maʼc cu betiʼc keban yétel coʼolel, bey xan tu contra le cu yaʼalicoʼob tusoʼ, yétel tu contra le maʼxoʼob cu betiʼc u mukyah u meyhul tu náhal wá le coʼolel quiʼmen u yíchamoʼ wá le minaʼan u tatailoʼoboʼ, yétel tu contra le maʼx cu pʼectiʼc xan le maʼx kahólaʼanoʼ, yétel maʼ tán u chʼaʼicoʼob sahaquiʼl tiʼ ten, cu yaʼalic u Yumtsilil le cu baʼateloʼoboʼ.

6 Tumen ten le Yumtsiloʼ maʼ tán in kexpahal; le betiʼqueʼ teʼexeʼ u palaleʼex Jacobeʼ maʼ xuʼulsaʼaneʼexiʼ.

7 Desde u kiniloʼob a tataeʼex ta náchcuntabaeʼex tiʼn ordenanzaoʼob yétel maʼ a betmaʼheʼexiʼ. Suneneʼex tiʼn wicnal tu yoʼolal in sutiʼnba tiʼ teʼex, cu yaʼalic u Yumtsilil le cu baʼateloʼoboʼ. Baʼaleʼ teʼexeʼ ca wáʼaliqueʼexeʼ; Bix u páhtal c sut?

8 Bín wáʼ u yoclic maʼc tiʼ Hahal Dios? Teʼexeʼ dzoʼoc a wocliqueneʼex. Baʼaleʼ ca wáʼaliqueʼexeʼ: Baʼax tiʼn woclaheʼch? Tiʼ diezmoʼob yétel ofrendaoʼob.

9 Teʼexeʼ kaschahaʼaneʼex yétel kas tʼan, tumen teʼex tulácal le nácionaʼ, dzoʼoc a wocoltiʼqueneʼex.

10 Taseʼex tulácal le diezmoʼob tiʼn chʼiloʼ ca anac baʼal hantbil tiʼn wotoch; yétel probarteneʼex behlaʼ tiʼ lelaʼ, cu yaʼalic u Yumtsilil le cu baʼateloʼoboʼ, wáʼ maʼ bín in heʼ u ventanailoʼob caʼan yétel bín in wéc bendicionoʼob ta wókoleʼexeʼ bey hach yaʼabeʼ maʼ tán u páhtal a caxtiʼc cúchil utiaʼaliʼ.

11 Nin kaʼah in luʼs le maʼx cu chʼaʼic a baʼalileʼex ta woʼolaleʼexoʼ yétel maʼ bín u xuʼuls u yich a pakaleʼexiʼ; mix a coleʼex bín u dza u yich maʼ kuchuc u kin teʼ káxoʼoboʼ, cu yaʼalic u Yumtsilil le cu baʼateloʼoboʼ.

12 Tulácal tún le nacionoʼoboʼ bin a yaʼaloʼobeʼ bendecirtaaneʼ ex tumen a luʼumeʼexeʼ bín hach utschahac, cu yaʼalic u Yumtsilil le cu baʼateloʼoboʼ.

13 Hach toh tu contra ten úch a tʼaneʼex, cu yaʼalic Yumtsil. Baʼaleʼ teʼexeʼ ca wáʼaliqueʼexeʼ: Baʼax t aʼalah ta contra?

14 Aʼalmaʼheʼexeʼ; chén mixbaʼal tu beliʼl c meyahtiʼc Hahal Dios, yételeʼ, baʼax u belal c betiʼc u ordenanzasil yétel c xímbal humildeoʼon tu behil u Yumtsilil le cu baʼateloʼoboʼ.

15 Yételeʼ behlaʼeʼ c aʼalic maʼs quiʼ yól le maʼxoʼob caʼanal yichoʼoboʼ, beyoʼ le maʼxoʼob cu betiʼcoʼob kasoʼ cu dzaʼabal tiʼoʼob muk; haheʼ le maʼxoʼob cu tentartiʼcoʼob Hahal Diosoʼ cu púdzuloʼob.

16 Bey túnoʼ le maʼxoʼob tu chʼahoʼob sahaquiʼl caʼach tiʼ Yumtsiloʼ, tu tʼanoʼob tu batsiloʼob, Yumtsileʼ tu dzah cuenta yétel tu yuʼubah; ca tún h dzíbtaab tu tán letiʼ humpʼél libroil cu kaʼahsic le baʼaloʼoboʼ utiaʼal le maʼxoʼob tu chʼahoʼob sahaquiʼl tiʼ Yumtsileʼ yétel tuculnahoʼob tu kabaʼ.

17 Letiʼoʼobeʼ bín intiʼaʼalintoʼob, cu perdonartiʼc u pal maʼx meyahtiʼcoʼ.

18 Bey túnoʼ bín sunaqueʼex yétel bín a wohélteʼex baʼax u heʼlaʼanil ichil le maʼx utsoʼ yétel le kasaʼanoʼoboʼ, ichil le maʼxoʼob cu meyahtiʼcoʼob Hahal Diosoʼ yétel le maʼxoʼob maʼ tán u meyahtiʼcoʼoboʼ.