1 Bey túnaʼ, heʼebix dzíbaʼanil t oʼolaleʼ, c oheʼleʼ hah, heʼeleʼ tumen huntúl maʼc toh u cuxtal, tumen hach tu hahileʼ tu betah yaʼabach baʼaloʼob cu haʼaksic yól maʼc tu kabaʼJesus, yétel minaʼan ulak maʼc páhchah u betiʼc le milagroʼob tu kabaʼ Jesus wá maʼ láh pʼoʼaʼan u kebanoʼ.

2 Ca tún úcheʼ, wá betaan tu bel tumen le maʼcoʼ le ca tu xocah u maʼn le kinilaʼ, le u haʼabil treintiʼtres, dzoʼoc u maʼn;

3 Le tún le cahoʼ ca hoʼopʼ u paʼtiʼc yétel chucaʼan ólal le baʼax bín ilaʼac u yaʼalmaʼh le profeta Samuel u palal Laman, bey, tu kinil le quen yanac óxpʼél kin eʼhochʼeʼenil yókol le luʼumaʼ.

4 Ca tún hoʼopʼ u yantal caʼapʼél tucul yétel baʼatel ichiloʼob quex tumen bucaʼah baʼaxoʼob h eʼesaʼab tiʼoʼoboʼ.

5 Ca tún anchah yúchuleʼ tiʼ le haʼab treintiʼcuatro tu cuatroil kin tiʼ yáx meseʼ h lík humpʼél kaʼamtac chác hach mix huntén kahóltaac tiʼ tulácal le luʼumoʼ.

6 H tal xan humpʼél nohoch yétel kaʼam ik yétel u sén lémbalil, cu títiʼc tulácal le luʼumaʼ bey taaytac u hókol caʼa xétʼ tiʼeʼ.

7 Anhi lémbal chácoʼob hach táh, hach mix huntén ilaʼac teʼ nacionaʼ.

8 Ca tún h tʼaʼab u nohoch cahil Zaraheʼmla.

9 Ca tún h búl u nohoch cahil Moroni tu tamil le kaʼnaboʼ beyxann le maʼxoʼob cahacbaloʼob teʼeloʼ h buʼuloʼob.

10 Le tún le luʼumoʼ tu pixah u noh cahil Moroniah le oʼolaleʼ tu cúchil le noh cahoʼ tiʼ chicpah humpʼél caʼanal mul.

11 Ca tún anhi u xuʼulsaʼal yétel kasaʼantac yaʼab teʼ luʼum teʼ noholoʼ.

12 Heʼel túnaʼ, u xuʼulsaʼal yétel u le kastal luʼum maʼs hach nohoch teʼ tu xamaʼn le luʼumoʼ; heʼel túnaʼ tulácal yokolcabeʼ kexpahiʼ tumen le chác ikoʼ, le kam ikoʼoboʼ le u lémbal le chácoʼ yétel le u sén títiʼcuba luʼum tulácal yokolcaboʼ;

13 Ca tún kaschah le behoʼoboʼ yétel h pʼaʼat kaschahaʼan le táx behoʼoboʼ yétel le táx luʼumoʼ.

14 Ca tún h buʼul yaʼabach nucuch cahoʼob hach hohoctac caʼachiʼ, yaʼabeʼ h tʼaʼableʼahic teʼ yaʼab tuʼuxeʼ h lúb nohoch nahoʼob tumen títiʼcuba le luʼumoʼ, le maʼxoʼob cahaʼanoʼob teʼ cahoʼ láh h químoʼobiʼ, cah pʼát le cúchiloʼoboʼ mixmaʼc yaniʼ.

15 Yan dzeʼedzec cahoʼobeʼ h pʼátoʼob chén baʼaleʼ anchah yahtac lobosoʼob, yaʼab tiʼ le maʼxoʼob cahaʼanoʼob teʼeloʼ h químoʼob.

16 Yanoʼoboʼ h bisaʼaboʼob tumen nohoch ikoʼ; letiʼoʼobeʼ mixmaʼc ohélt tuʼux h binoʼobiʼ; chén c oheʼleʼ saʼatoʼob.

17 Bey tún láh pʼátiʼc kaschahaʼan le luʼumoʼ tumen le kaʼamcach chácoʼ, le u lémbal le chácoʼ yétel le u títiʼcuba le luʼumoʼ.

18 Yétel heʼel túnaʼ ca paʼakah le tunichoʼoboʼ; xiʼxiʼcaʼaboʼob yokolcabeʼ cah pʼat xeʼxeʼetʼaʼan teʼ ichil yétel tu yókol tulácal le luʼumoʼ.

19 Le tún cah xuʼul le u lémbal le chácoʼ, le kaʼam chácoʼ, le chác ik yétel xan le u títiʼcuba le luʼumoʼ, tumen heʼel túnaʼ mín oxpʼél horas xánchahiʼc yan maʼx aʼaleʼ xánchah maʼs tiʼ oxpʼél horas; quex beyoʼ tulácal le nuctac yétel yah baʼaloʼobaʼ úch bey ichil oxpʼél horaseʼ; heʼel túnaʼ, cah pʼát eʼhochʼeʼen yókol le luʼumoʼ.

20 Ca tún h pʼát hach eʼhochʼeʼen yókol tulácal le luʼumoʼ, tiʼ hach eʼhochʼeʼenileʼ, bey heʼebix le maʼxoʼob maʼ h lúboʼoboʼ h pátchah u maʼchicoʼob u yoxol le eʼhochʼeʼeniloʼ.

21 Cu dzoʼocol túneʼ maʼ anhi sásil tu yoʼolal hach eʼhochʼeʼeniliʼ, mix quiʼb, mix tán u páhtal u tʼaʼabal kák yétel maʼalob siʼ quex hach tiʼquiʼn le betiʼqueʼ maʼ anhi sásiliʼ.

22 Yétel mix humpʼél sásil cu yilaʼal, mix kák, mix le kin cu yilaʼaloʼ, mix luna, mix estrellaoʼob tumen hach pim u yoxol le eʼhochʼeʼenil pixmaʼhil yich le luʼumoʼ.

23 Ca tún anchah u yúchuleʼ ichil óxpʼél kineʼ maʼ h ilaʼab mix humpʼél sásiliʼ; ca anchah u hach yokoloʼob maʼc yétel u yáwátoʼob maʼ tu xuʼulul ichil le cahoʼ tumen tu yoʼolal le sénquech eʼhochʼeʼeniloʼ yétel le nucuch baʼaxoʼob h tal yókoloʼoboʼ.

24 Tiʼ humpʼél cúchileʼ cu yuʼubaʼal u yayah ólaloʼob beyaʼ: Quexieʼ ca c pát c kebanoʼob caʼach maʼ kuchuc le kin hach nohoch yétel sén yahaʼ; bey dzoʼoc caʼach u pátaal cuxaʼantac sucuʼunoʼobeʼ yétel maʼ tán caʼach u toʼocoloʼob tiʼ le u noh cahil Zaraheʼmlaeʼ.

25 Tiʼ ulak cúchileʼ cu yuʼubaʼal u yayah ólaloʼob tán u yaʼalicoʼob; quexiʼ ca c pʼát c kebanoʼob caʼachiʼ maʼ kuchuc le nohoch yétel hach yah kinaʼ, yétel maʼ úch c chʼiʼinchʼiʼinic, c quínsic yétel c pulic le profetaoʼoboʼ, wá bey maʼ úchic c betiʼc beyoʼ c maʼmaʼtsiloʼob, c quiʼichpamtac xchʼupaloʼob yétel c palaloʼobeʼ dzoʼoc caʼach u canántaaloʼobeʼ, beyoʼ maʼ tán caʼach u toʼocoloʼob teʼ nohoch cah Moronihah. Bey u yáwátoʼob le maʼcoʼoboʼ sén nohoch yétel kaʼam.