1 Shina ñucanchi ricui ushanchi cashna falso, cambiajllacunapash runacunapaj huahuacunapaj shungucuna; ari, ñucanchi ricui ushanchi Apunchijca paipaj jatun na tucurita chari alicaipi achilyachin, ali mirachin maijanguna paipi confianzata churajcunaman.

2 Ari, ñucanchi ricunchi imaura paipaj llactapuracunata ali mirachi punllapacha, ari, paicunapaj tarpuj pambacunapi mirachipi, paicunapaj ataju llamacuna, paicunapaj huagracunapash, curipi, culquipi, tucui laya juyailla cuzascunapi, paipuralla tandachishca; paicunapaj causaicunata huacaichishpa, cacharichishpa paicunapaj napacha ricunayachijcunapaj maquicunamanda; napacha ricunayachijcunapaj shungucunata amujyachishpa ama macanajuita villachun paicunapaj contra; ari, tucuripipash, rurashpa tucui cuzascunata ali cachun, cushijuchun paipaj llactapuracuna; ari, shina chai punlla paicunapaj shungucunata shinlliyachin, Apunchij paicunapaj Diosta cungan, paicunapa chaquicunahuan Achilta sarun—Ari, cai paicunapaj sumajmanda, paicunapaj ninan jatun ali miraimandapash.

3 Shina ñucanchi ricunchi imashpapash Apunchij paipaj llactapuracunata castigajpi tauca llaquicunahuan, ari, imashpapash paicunata ricuj shamujpi huañuihuan, manllanayaihuan, ninan yarjaihuan tucui laya unguicunahuan, paicuna paita na yarin.

4 Oh cashna juizu illa, cashna yanga, cashna na ali, aya tigrashcuna, cashna ñapash na ali rurajcuna, cashna unayajcuna alita rurangapa, runacunapaj huahuacuna can; ari, cashna ñapash uyan ayapaj shimicunata, paicunapaj shungucunata yanga cai pachapaj cuzascunapi churan!

5 Ari, cashna ñapash jariyaipi vichai alsarishca can; ari, cashna ñapash ninanda jariyan, tucui laya ima na ali ruraicunata rurangapa; cashna unayaj can Apunchij paicunapaj Diosta yaringapa, paipaj yachachishcacunata uyangapa, ari, cashna unayan puringapa yachai puricunapi!

6 Riqui, paicuna na munan Apunchij paicunapaj Dios pimi paicunata rurashca, mandachun, reinachun paicunapa jahuapi; masqui paipaj jatun alicai, paipaj shungumanda llaquipash paicunaman, paipaj yachachishcacunata imapash na valijpi churan, na munanpash pai paicunapaj pushaj cachun.

7 Oh cashna jatun can runacunapaj huahuacunapaj imapash nacai; ari, alpapaj alpatapash yali yanga paicuna can.

8 Riqui, alpapaj alpaca cuyurin caipipash, chaipipash, chaupi chaupi partirishpa, mandaimanda ñucanchi jatun, mana tucurina Dios.

9 Ari, riqui paipaj shimihuan uchilla urcucuna, urcucunapash chujchunbash, ninanda cuyurinbash.

10 Paipaj shimipaj ushaihuan faquirishca can, pugruman tigran, ari, shuj pugru pambashna.

11 Ari, paipaj shimipaj ushaihuan tucui alpa chujchun;

12 Ari, paipaj shimipaj ushaihuan, shayachishcacuna cuyun, chaupicamanbacha.

13 Ari, pai alpata cuyui nijpipash—Cuyui—cai cuyushca can.

14 Ari, pai alpata cuyui nijpi—Huashaman tigrai, punlla unai cachun tauca horascunahuan—cai rurashca can;

15 Shina, paipaj shimimanda cai pacha huashaman tigran, runaman cai ricurin indi casilla can laya; ari, riqui, cai shina can; ciertopacha cai pacha cuyurin, na indica.

16 Riqui, pai jatun mama cochapaj yacucunata nijpipash—Chaquiri—cai rurashca can.

17 Riqui, pai cai urcuta nijpipash—Jatari, ri chai llactapi urmai, pambashca cachun—riqui cai rurashca can.

18 Riqui, shuj runa charijyashcata alpapi pambajpi Apunchijca ninga—Llaquichishca can, paipaj na ali ruraicunamanda pimi caita pacarca—riqui, cai llaquichishca canga.

19 Apunchij nijpica—Llaquichishca cangui, ni maijan runa tarichun cunan punllamanda chaiman mana tucurinacaman—riqui, ni maijan runa caita taringachu cunanmanda mana tucurinacaman.

20 Riqui, Apunchij shuj runata nijpica—Na ali ruraicunamanda, llaquichishca cangui mana tucurinacaman—cai rurashca canga.

21 Apunchij nijpica—Na ali ruraicunamanda ñuca ñaupamanda anchuchi tucushca cangui—pai shina cachun ruranga.

22 Ay maijanda caita nijpi, paihuan shina rurashca canga na ali ruraicunata rurajpi, pai na quishpiri ushanga; chaimanda, cai canamanda, runacuna quishpirishca cachun, arrepentimientota villashca can.

23 Chaimanda, achilyachishca can maijan arrepentirijpi Apunchij paicunapaj Diospaj shimita uyajpi; imashpa paicuna can picuna quishpirishca canga.

24 Dios carachun, paipaj jatun tucuipi, runacuna apashca cachun arrepentimientoman, ali ruraicunaman, paicuna cutin apamushca cachun ninan juyaimanda ninan juyaiman, paicunapaj rurashcacunamanda.

25 Ñuca munani tucui runacuna quishpirichun. Ashtahuangari ñucanchi liinchi chai jatun, tucuri punllapi taucacuna tian maijanguna shitashca canga, ari, maijanguna llujchishpa cachashca canga Apunchijpaj ñaupamanda;

26 Ari, maijan condenashca canga shuj na tucurita charij manllanayai canaman, pactachishpa shimicunata imata nini: Paicuna alita rurashcacuna mana tucurina causaita charinga; paicuna na alita rurashcacuna mana tucurina condenaciónda charinga. Shina cai can. Shinacapashcachun.