1 Cunan yalishca jipa Nefi nishca carca cai shimicunata, riqui, tiarca runacuna picuna ricushpa chasquichijcuna carca, paicunapash Gadiantónpaj pacalla tandanajushcacunapaj catijcunapash carca, paicuna fiñashca carca, caparirca paipaj contra, llactapuracunaman nishpa: Imashpata cai runata na japinguichi, pai imata rurashcamanda ricushpa chasquichishca cachun churanguichi?

2 Imashpata cai runata ricunguichi, uyanguichipash cai llactapuracunata, ñucanchi catichunbacha saquishcacunatapash contra plituchun?

3 Riqui, Nefi paicunaman parlarca paicunapaj huagli catichunbacha saquishcacunamanda; ari, tauca cuzascunata Nefi parlashcata na quilcashca cai ushanllu; nimata pai na parlarca ima Diospaj rurachunbacha saquishcacunapaj contra.

4 Chai ricushpa chasquichijcuna paihuan fiñashca carca punchalla parlaimanda paicunapaj pacalla yanallapaj ruranacunamanda; shina cashpapash, paicunapaj propio maquicunata paipa jahuapi churangapa manllarca, paicuna manllarca llactapuracuna paicunapaj contra caparinata.

5 Chaimanda llactapuracunata caparirca, nishpa: Imashpata saquinguichi cai runa ñucanchipaj contra plituchun? Riqui pai cai tucui llactapuracunata ricushpa chasquichishca, tucurinacaman; ari, cai ñucanchi llactacunapash quichushca canga nin, ñucanchi pushtuta caicunapi na charishun.

6 Cunan ñucanchi yachanchi cai na shina caita ushana, riqui, ñucanchi shinllicuna canchi, ñucanchi jatun llactacunapash, chaimanda ñucanchita napacha ricunayachijcuna ñucanchi jahuapi na ushaita chari ushanllu.

7 Yalishca jipa shina paicuna llactapuracunata tangarca fiñachun Nefipaj contra, paipuracuna fiñanajui jatarirca; taucacuna tiarca maijanguna caparirca: Saquichi cai runata, imashpa pai shuj ali runa can, cai cuzascuna imata pai nishca ciertopacha shamunga imashpapash ñucanchi arrepentirijpilla na;

8 Ari, riqui, tucui castigocuna ñucanchi jahuaman shamunga imata pai ñucanchiman testificashca; ñucanchi yachanchi pai testificashca cierto can ñucanchi na ali ruraicunamanda. Riqui taucacuna can, pai ali yachan imashna yachan tucui cuzascuna shamunata imashna ñucanchi na ali ruraicunata yachaj laya;

9 Ari, riqui, pai na shuj achil villachij cashpaca pai na testificaita ushanman cai cuzascunamanda.

10 Yalishca jipa chai llactapuracuna maijanguna Nefita tucuchingapa munajcuna jarcarirca manllaimanda, shina paicunapaj maquicunata na churarca paipaj jahuapi; chaimanda pai cutin parlai callarirca, ricuimanda huaquingunahuan alicachishca cashcamanda, shinashpa paicunamanda puchucuna manllarca.

11 Chaimanda pai tangai tucushca carca paicunaman ashtahuan parlachun: Riqui, ñuca huauquicuna, nachu liishcanguichi Dios shuj runaman curca ushaita, Moisés, huajtachun Puca Jatun Mama Cochapaj yacucunata, chaupi chaupi partirichun, shinashpa Israelitacuna, picuna ñucanchi taitacuna carca, chaquishca alpata yalichun, yacucuna quilparca Egipcio macanajuj runacunata langai tucurca?

12 Cunan riqui, Dios cai runaman curca shina ushaita, shina imashpata cangunapura plituringuichi, ninguichi pai na cuhuashca ushaita caihuan ñuca yachachun shamuna castigocunata imashpapash arrepentirijpilla na?

13 Ashtahuangari, riqui, ñuca shimicunatalla na negaita neganguichi, ashtahuangari neganguichipash tucui shimicunata imata ñucanchi taitacuna parlashcata, shimicunatapash imata parlashca carca cai runa, Moisés, piman cushca carca shina jatun ushaita, ari, shimicuna imata pai parlashca carca Mesíaspaj shamunamanda.

14 Ari, nachu pai testificarca Diospaj Churi shamunata? Imashna bronce culebrata jichushca pambapi vichai alsarca, shinallata vichai alsaringa pimi shamunga.

15 Imashna tauca chai culebrata ricushcacuna causarca, shinallata tauca Diospaj Churita fehuan ricushpa, shuj cazuj amujlla espírituta charishpa, causanga, chai causaita imami can mana tucurina.

16 Cunan riqui, Moiséslla na testificarca cai cuzascunamanda, ashtahuangari tucui achil villachijcunapash, paipaj punllacunamanda Abrahampaj punllacunacamanbash.

17 Ari, riqui, Abraham ricurca paipaj shamuita, cushijuihuan jundarca, ninanda cushijurcapash.

18 Ari, riqui ñuca cangunaman nini, Abrahamlla na cai cuzascunata yacharca, ashtahuangari tauca tiarca Abrahampaj punllacunapaj punda, maijanguna cayashca carca Diospaj ordenhuan; ari, paipaj Churipaj layata catishpa; cai llactapuracunaman ricuchishca cangapa, tauca huaranga huatacuna nara pai shamushpa, jatun causachina paicunapaman shamunata.

19 Cunan canguna yachachun munani, Abrahampaj punllacunamanda tiarca tauca achil villachijcuna cai cuzascunata testificashca; ari, riqui, achil villachij Zenós na manllaihuan testificarca; caimanda paita huañuchirca.

20 Riqui, Zenocpash, Ezíaspash, Isaíaspash, Jeremíaspash (Jeremías chai achil villachij pimi testificarca Jerusalén tucurinata), cunan ñucanchi yachanchi Jerusalén tucuchishca carca imashna Jeremías nishca. Oh shina imashpata Diospaj Churi na shamunga, paipaj achil villashcamanda?

21 Cunan neganguichicha Jerusalén tucurishcata? Ninguichicha Sedequíaspaj churicunata na huañuchirca, tucuilla Mulektalla na? Ari, nachu ricunguichi Sedequíaspaj cati huahuacuna ñucanchihuan cajta, Jerusalénpaj alpamanda calpachi tucurca? Ashtahuangari riqui, cai na tucuilla can—

22 Ñucanchi taita Lehi Jerusalénmanda calpachi tucurca cai cuzascunata testificaimanda. Nefipash testificarca cai cuzascunata, ñalla tucui ñucanchi taitacunapash, cai punllacunacaman; ari, paicuna testificashca Cristo shamunamanda, ñaupaman ricushca, paipaj punllapi cushijushcapash imami shamuna can.

23 Riqui, pai Dios can, pai paicunahuan can, paicunaman ricurimurca, paicuna jatun causachishca carca paimanda; paicuna paiman cushijuita curca, ima shamunamanda.

24 Cunan, cai cuzascunata yachaimanda na negai ushanguichi imashpapash llullashpalla, chaimanda caipi juchata rurashcanguichi, tucui cai cuzascunata na chasquimanda, masqui shina tauca ricuicunata chasquishpapash; ari, chasquishcanguichipash tucui cuzascunata, ishcandi cuzascunata jahua pachapi, tucui cuzascunatapash imacuna cai alpapi can, shuj testimonioshna caicuna ciertopacha cajta.

25 Ashtahuangari riqui, ciertopachata na chasquishcanguichi, na cazushcanguichi cangunapaj achil Diosta; cai punllacunapash, jahua pachapi charijyanata mirachina randi, maipi nimapash na huaglichin, maipi ima mapallapash na yaicui ushan, cangunapallata fiñaita mirachinajunguichi, ricushpa chasquichina punllapa.

26 Ari, cunanllata fucushca can, cangunapaj huañuchicunamanda, cangunapaj fornicación, na ali ruraicunamanda, mana tucurina tucuchinapa; ari, imashpapash canguna arrepentirishpalla na cai ñapash cangunapaman shamunga.

27 Ari, riqui cunan cai cangunapaj pungucunapi can; ari, richi ricushpa chasquichina jatun tiarinaman, tupanguichi; riqui cangunapaj ricushpa chasquichij huañushca can, paipaj yahuarpi sirijun; paipaj huauquihuan huañuchi tucurca, pimi mascan ricushpa chasquichina jatun tiarinapi cangapa.

28 Riqui, ishcandi cangunapaj pacalla tandajushcapa catijcuna can, Gadiantón can pimi caita callarichishca, cai ayapash pimi mascan runacunapaj almacunata tucuchingapa.