1 Cunan yalishca jipa Samuel, shuj Lamanita, achil villarca jatun taucapacha ashtahuan cuzascunata maijanguna na quilcai ushana.

2 Riqui, paicunaman nirca: Riqui, ñuca cuni cangunaman shuj señalta; ashtahuan picha huatacuna yalinga, riqui, shina Diospaj Churi shamun jatun causachingapa tucui maijan paipaj shutupi crijcunata.

3 Riqui, caita cusha cangunaman shuj señalta pai shamuna punllapa; riqui, jatun michacuna jahua pachapi tianga, shinashpa shamuna ñaupa tutapi na amsayai tianga, shinashpa runapaj ricuipi caica shuj punlla canshnalla canga.

4 Chaimanda, tianga shuj punlla, shuj tuta, shuj punllapash, shuj punllalla canshnalla, na tuta tianshna; cai canga shuj señal; yachanguichimi indi llujshimanda, indi huashajuimandapash; chaimanda paicuna ciertopacha yachanga ishcai punllacuna tiajta, shuj tutapash; shina cajpipash tuta na amsayangachu; caica canga pai nacirinapa shuj tuta ñaupa.

5 Riqui, shuj mushuj lucero ricuringa, nimaurapash na ricushca; caipash shuj señal cangunapa canga.

6 Riqui cai na tucui can, tauca señalcuna tianga juyailla ricurinacunapash jahua pachapi.

7 Yalishca jipa manllarihuan jundanguichi, cushijuihuanbash, shinashpa alpaman urmanguichi.

8 Yalishca jipa maijan Diospaj Churipi crijcuna, paicuna charinga mana tucurina causaita.

9 Riqui, shina Apunchij mandahuarca, paipaj ángelhuan, ñuca shamuchun cai cuzasta villachun; ari, pai mandarca ñuca cai cuzascunata cangunaman achil villachun; ari, pai nirca ñucata: Yachachi cai llactapuracunaman, arrepentiri, Apunchijpaj ñanda alichi.

10 Cunan, ñuca shuj Lamanita cani, cangunaman parlashcani imata Apunchij mandahuashca, cai carca shinlli cangunapaj contra, ñucahuan fiñashca canguichi, tucuchingapa munanguichi, cangunapamanda calpachihuashcanguichi.

11 Uyanguichi ñuca shimicunata, cai munaita charini ñuca cai llactapaj pirca jahuaman vitsiashcani, canguna uyachun Diospaj ricushpa chasquichinacunata yachachun imami cangunata shuyan cangunapaj na ali ruraicunamanda, yachachunbash arrepentimientopaj imashna canata;

12 Yachachunbash Jesucristopaj shamunata, Diospaj Churi, jahua pachapaj Taita cai pachapapash, tucui cuzascunapaj Ruraj callarimanda; cai señalcunamanda paipaj shamunata yachangapa, munaihuan paipaj shutipi cringuichi.

13 Paipaj shutipi crijpica tucui cangunapaj juchacunamanda arrepentiringuichi, shina caimanda caicunapaj anchuchita chari ushanguichi paipaj ali ruraicunamanda.

14 Riqui, cutin, cutishuj señalta cangunaman cuni, ari, paipaj huañuipaj shuj señalta.

15 Riqui, pai ciertopacha huañuna can quishpirina shamuchun; ari, cai paipaj can paipaj huañui minishtirishca can, huañuipaj cutin causarinata yalichun apamungapa, chaimanda runacuna Apunchijpaj ñaupaman apai tucushca cachun.

16 Ari, riqui, cai huañui cutin causarinata yalichun apamun, tucui runacuna quishpirinapash callari huañuimanda—chai espiritual huañui; imashpa tucui runacuna, Adánpaj urmaimanda Apunchijpaj ñaupamanda anchuchi tucushca can, huañushca layapi ricui tucushca can, ishcandi cuzascunapi temporal, espiritual cuzaspipash.

17 Ashtahuangari riqui, Cristopaj cutin causarina tucui runacunata quishpichin, ari, tucui runacuna, Apunchijpaj ñaupaman cutin tigrachimun.

18 Ari, cai arrepentimientopaj ima canata yalichun apamun, maijan arrepentirin na fiti tucushca, ninaman shitai tucushcapash canga; ashtahuangari maijan na arrepentirij fiti tucushca, ninaman shitai tucushcapash canga; cutin paicunapaman shuj espiritual huañui, ari, jipa huañui, paicuna cutin llaquichishca can alicanapaj cuzascunapi.

19 Chaimanda arrepentirichi, arrepentirichi, cai cuzascunata yachashpa na rurashpa cangunamandallata saquinguichi ricushpa chasquichina shamuchun, urai apai tucushca canguichi cai jipa huañuiman.

20 Ashtahuangari riqui, imashna ñuca nishcani cutishuj señal, paipaj huañuipaj shuj señal, riqui, chai punlla pai huañujpi indica yanayanga paipaj michatapash cungapa na munanga; lunapash, lucerocunapash; cai alpa jahuallapi na micha tianga, paipaj huañui punllamanda, quimsa punllacunata, huañuimanda cutin jatarina punllacaman.

21 Ari, imaura espírituta tigrachijpica tianga culun nijcuna, micha shitaicuna tauca horascunata, alpapash chujchunga, chaspiringapash; rumicuna cai alpa jahuallapi cajcunapash, imami alpa jahuapi, ucupipash, imata yachanchi cai punlla shinllicuna can, nacashpa caimanda tucuimanda yalishca shinlli masa, taucapi faquiringa;

22 Ari, chaupipi partiringa, chaimanda chaiman uchilla faquirishcacunapi tupashca canga, jamzicunapi, faquirishcacunapi tucui alpa jahuallapi, ari, alpa jahuapipash, ucupipash.

23 Riqui, ninan huairacuna tianga, tauca urcucuna pugru alpaman tigrashca canga, pugru pambashna, tauca pushtucuna tianga ima cunan pugru pamba shutichishca can caicuna urcucunaman tigrashca canga, caicuna jatun can.

24 Tauca jatun ñanguna faquirishca canga, tauca llactacuna imapash illaman tigranga.

25 Tauca pambana pushtucuna pascarishca canga, tauca paicunapaj huañushcacunata tigrachinga; tauca santocuna ricuringa taucacunaman.

26 Riqui, shina ángel parlarca ñucaman; pai nihuarca tianga culun nijcuna, micha shitaicunapash tauca horascunata.

27 Pai nihuarca culun nij, micha shitai tucurijpipash, ninan tamiapash, cai cuzascuna tianga, yanayai quilpanga tucui alpa jahuallata quimsa punllacunata.

28 Ángel nirca ñucaman, taucacuna ricunga jatun cuzascunata caita yalita, munaihuan paicuna crichun cai señalcuna cai juyailla ricurinacunapash yalinga tucui cai pamba jahuapi, munaihuan imapash ashtahuan na crina ama tiachun runacunapaj huahuacunapi—

29 Cai munaihuan maijan crin quishpirishca canga, maijan na crin, ali ricushpa chasquichina paicunapaman shamunga; ricushpa chasquichishca cashpapash paicunallata paicunapaj propio ricushpa chasquichinata apamunga.

30 Cunan yarichi, yarichi, ñuca huauquicuna, maijan huañushpaca paimandallata huañun; maijan na ali ruraicunata ruran, paimandallata ruran; riqui, libre canchi; cangunamanllata saquishca can rurachun; riqui, Dios cangunaman cushca shuj yachaita, pai libre cachun rurashca.

31 Pai cangunaman cushca yachachun alita na alimanda, cangunaman cushca ajllachun causaita nacashpa huañuita; canguna alita rurai ushanguichi cutin apamushca cangapa ima ali canaman, nacashpa charinguichi imata ali cutin apamushca canata; nacashpa canguna na alita rurajpica, charinguichi ima na alita cangunapaman cutin apamushca cachun.