1 Cunan, ñuca juyashca huauquicuna, riqui, ñuca cangunaman villani imashpapash canguna na arrepentirijpilla cangunapaj huasicuna imapash illaman tigranga.

2 Ari, imashpapash canguna arrepentirijpilla, cangunapaj huarmicuna jatun imamanda llaquirinata charinga imaura paicuna huahuacunata chuchuchinga; canguna calpangapa munajpi ni shuj pushtu na tianga pacajungapa; ari, ay paicuna maijan vijsayu cajcuna, llashacuna canga na calpaita ushanga; chaimanda, paicuna sarui tucunga, huañuchun jichushcapash canga.

3 Ari, ay cai llactapuracuna maijan Nefipaj llactapuracuna shutichishcacuna imashpapash na arrepentirijpi, imaura paicuna ricunga tucui cai señalcuna, juyailla ricurinacunapash imacunata paicunaman ricuchishca canga; riqui, paicuna Apunchijpaj shuj ajllashca llactapuracuna cashca; ari, Nefipaj llactapuracunata pai juyashca, paicunata castigashcapash; ari, paicunapaj na ali ruraicunapaj punllacunapi pai paicunata castigashca juyaimanda.

4 Ashtahuangari riqui ñuca huauquicuna, Lamanitacunata pai na ricunayachishca carca paicunapaj ruraicuna punllan punllan na alicuna cashcamanda, cai paicuna punda taitacunapaj na ali yachachishcamanda. Ashtahuangari riqui, quishpirina shamushca paicunapaman Nefitacunapaj yachachicunamanda; cai munaimanda Apunchij paicunapaj punllacunata mirachishca.

5 Ñuca munani canguna ricuchun paicunapamanda tucuimanda yalishca paicunapaj ruraicunapaj ñanbi can, paicuna Diospaj ñaupapi aliguta purinajun, paicuna paipaj rurachunbacha saquishcacunata pactachingapa atirinajun, paipaj catichunbacha saquishcacunatapash, paipaj ricushpa chasquichinacunatapash Moiséspaj catichunbacha saquishcacunamanda.

6 Ari, cangunaman nini, paicunapamanda tucuimanda yalishca caita ruranajun, paicuna shinlliyashpa na shaijushpa utsia can, paicunapaj puchu huauquicunata ciertopachapaj yachajuiman apamunajun; chaimanda taucacuna tian maijan quimirin punllan punllan yupariman.

7 Riqui, cangunamandallata yachanguichi, caipaj testigo cashcanguichi, paicunapamanda taucacuna imashna ciertopachapaj yachajuiman apamushca can, yachangapapash na ali ruraicuna, millanayaipash paicunapaj punda taitacunapaj yachachishcacunata, pushashca can crichun achil quilcashcacunata, ari, achil villachijcunapaj villachishcacuna, imacuna quilcashca can, paicunata pushan Apunchijpaj feman, arrepentimientoman, cai fe, arrepentimientopash paicunata shungupaj cambiaiman apamun—

8 Chaimanda, mashna caicaman shamushcacuna, cangunamandallata yachanguichi fepi shinlli, na shaijujcuna can, imapi paicunata libre cachun rurashca.

9 Yachanguichipash paicuna pambashca paicunapaj macanajunacunata, manllanbash japingapa imalayapash juchata ruraipapash; ari, ricui ushanguichi paicuna manllan juchata ruranata—riqui paicunallata saquinga saruchun huañuchichunbash paicunapaj napacha ricunayachijcunahuan, na alsanga paicunapaj espadacunata paicunapaj contra, caita paicunapaj femanda Cristopi.

10 Cunan, paicunapaj shinllicaimanda imaura paicuna crin ima cuzaspi paicuna crin, paicunapaj shinllicaimanda imaura paicuna shuj viaje punchalla yuyaipi chasquishca can, riqui, Apunchij paicunata achilyachinga, paicunapaj punllacunata mirachingapash, masqui paicunapaj na ali rurajcuna cajpipash—

11 Ari, paicuna na crishpa asha asha chingarijpipash Apunchijca paicunapaj punllacunata mirachinga, imami ñucanchi taitacuna parlashca punlla imaura shamungacaman, achil villachij Zenóspash, tauca cutishuj achil villachijcunapash, ñucanchi huauquicuna Lamanitacunapaj cutin apamunamanda, cutin ciertopachapaj yachajuiman—

12 Ari, ñuca cangunaman nini, tucuri punllacunapi Apunchijpaj nishcapachacuna ñucanchi huauquicuna Lamanitacunaman mirachishca canga; masqui tauca llaquicunata imacunata paicuna charijpipash, masqui paicuna caiman chaiman apai tucushca cajpipash alpa jahuallaman, huañuchishca cachun cati tucujpipash, chugrichishca cachun, chajchurishca cachun, pacajuna pushtuta na charishpa, Apunchij paicunata shungumanda llaquinga.

13 Cai can achil villachishcamanda, paicuna cutin apamui tucushca canga ciertopacha yachanaman, imami can paicunapaj Jatun Causachijpaj yachai, paicunapaj jatun, ciertopacha michij, paipaj llamagupurapi yupashca canga.

14 Chaimanda cangunaman nini, cai canga paicunapaj ashtahuan yali cangunapata yali imashpapash canguna arrepentirishpalla.

15 Riqui, paicunaman ricuchishca canman carca jatun ruraicunata imata cangunaman ricuchishca cashcata, ari, paicunaman picuna na crishpa asha asha chingarishca paicunapaj punda taitacunapaj yachachishcacunamanda, canguna ricui ushanguichi cangunamandallata paicuna nimaura cutinga na tigranman carca na crishpa asha asha chingarinaman.

16 Chaimanda, Apunchij nin: Ñuca na tucuilla tucuchishachu paicunata, ashtahuangari ñuca rurachisha ñucapaj yachai punllapi paicuna ñucapaman cutin tigramuchun, Apunchij nin.

17 Cunan riqui, Apunchij nin, Nefitacunapaj llactapuracunaman: Paicuna na arrepentirijpica, ñuca munaita na ricushpa rurajpica, paicunata tucuilla tucuchisha, Apunchij nin, paicunapaj na crimanda masqui tauca jatun ruraicuna imata ñuca paicunaman rurashcani; imashna ciertopacha imashna Apunchij causan cai cuzascuna canga, Apunchij nin.