1 Sa pagkatinuod, sa ingon miingon ang Ginoo: Kini kaalam sa akong sulugoon nga si David W. Patten, nga siya mohusay sa iyang tanan nga mga patigayon kon siya dayon makahimo, ug mohimo og pagbahin-bahin sa iyang mga igbabaligya, aron siya magmisyon ngari kanako sa sunod nga tingpamulak, kuyog sa uban, gani ang Napulog Duha lakip ang iyang kaugalingon, sa pagpamatuod sa akong ngalan ug modala sa malipayon nga mga balita ngadto sa tibuok nga kalibutan.

2 Kay sa pagkatinuod sa ingon miingon ang Ginoo, kon aduna diha kaninyo kinsa molimud sa akong ngalan, lain ang ibutang diha sa ilang dapit ug makadawat sa ilang katungdanan. Amen.