Seksiyon 1
Mga instruksiyon ni Joseph Smith ang Propeta, gihatag sa Ramus, Illinois, Mayo 16 ug 17, 1843.
1–4, Ang celestial nga kaminyoon mahinungdanon sa kahimayaan didto sa labing taas nga langit; 5–6, Sa unsa nga paagi nga ang mga tawo maselyo ngadto sa kinabuhing dayon gipasabot; 7–8, Ang tanang espiritu mga elemento.
1 Sa celestial nga himaya adunay tulo ka langit o mga ang-ang;
2 Ug aron maangkon ang labing taas, ang tawo kinahanglang mosulod niini nga kapunongan sa pagkapari [ang gipasabot mao ang bag-o ug walay kataposan nga pakigsaad sa kaminyoon];
3 Ug kon dili siya mosulod, siya dili makaangkon niini.
4 Siya mahimo nga mosulod ngadto sa lain, apan mao na kana ang kataposan sa iyang gingharian; dili siya makauswag.
5 (Ika-17 sa Mayo, 1843.) Ang mas segurado nga pulong sa panagna nagpasabot nga ang tawo nasayod nga siya naselyo ngadto sa kinabuhing dayon, pinaagi sa pagpadayag ug sa espiritu sa panagna, pinaagi sa gahom sa Balaan nga Pagkapari.
6 Imposible nga ang usa ka tawo maluwas nga walay kahibalo.
7 Walay butang nga maingon nga walay elemento. Ang tanang espiritu mga elemento, apan kini mas dalisay o putli, ug makita lamang sa mas putli nga mga mata;
8 Dili kita makakita niini; apan sa panahon nga ang atong lawas malimpyohan makita nato nga kining tanan mga elemento.