Seksiyon 2
Kinuha gikan sa kasaysayan ni Joseph Smith nga nagsaysay sa mga pulong ni anghel Moroni ngadto ni Joseph Smith ang Propeta, samtang nagpuyo sa balay sa amahan sa Propeta didto sa Manchester, New York, sa gabii sa Septyembre 21, 1823. Si Moroni mao ang kataposan sa taas nga linya sa mga tigsaysay kinsa naghimo sa talaan nga ania karon sa kalibotan nga mao ang Basahon ni Mormon. (Itandi sa Malaquias 4:5–6; ingon man sa mga seksiyon 27:9; 110:13–16; ug 128:18.)
1, Si Elijah mopadayag sa pagkapari; 2–3, Ang mga saad sa mga amahan gitanom diha sa mga kasingkasing sa mga anak.
1 Tan-awa, ako mopadayag kaninyo sa Pagkapari, pinaagi sa kamot ni Elijah ang propeta, sa dili pa moabot ang mahinungdanon ug makalilisang nga adlaw sa Ginoo.
2 Ug iyang itanom diha sa mga kasingkasing sa mga anak ang mga saad nga gihimo ngadto sa mga amahan, ug ang mga kasingkasing sa mga anak mobalik ngadto sa ilang mga amahan.
3 Kon dili pa tungod niini, ang tibuok kalibotan hingpit nga malaglag sa iyang pag-abot.