Seksiyon 37
Pagpadayag nga gihatag ngadto ni Joseph Smith ang Propeta ug ni Sidney Rigdon duol sa Fayette, New York, Disyembre 1830. Dinhi gihatag ang una nga sugo mahitungod sa pagpundok niini nga dispensasyon.
1–4, Ang mga Santos gitawag nga didto magpundok sa Ohio.
1 Tan-awa, sultihan ko kamo nga dili mahinungdanon alang kanako nga maghubad pa kamo hangtod nga kamo moadto sa Ohio, ug tungod kini sa kaaway ug sa inyong kaayohan.
2 Ug usab, sultihan ko kamo nga dili kamo moadto hangtod nga masangyaw ninyo ang akong ebanghelyo niana nga mga dapit, ug mapalig-on ang simbahan bisan asa kini mahimutang, ug ilabi na sa Colesville; kay, tan-awa, nag-ampo sila ngari kanako sa hilabihan nga pagtuo.
3 Ug usab, adunay sugo nga akong ihatag sa simbahan, nga mahinungdanon alang kanako nga sila magpundok nga maghiusa didto sa Ohio, alang sa panahon nga ang akong sulugoon nga si Oliver Cowdery mobalik ngadto kanila.
4 Tan-awa, ania ang kaalam, ug tugoti ang matag tawo nga mopili alang sa iyang kaugalingon hangtod sa akong pag-abot. Ug ingon niana ang mahitabo. Amen.