Seksiyon 73
Pagpadayag nga gihatag ngadto ni Joseph Smith ang Propeta ug Sidney Rigdon, sa Hiram, Ohio, Enero 10, 1832. Sukad sa sayong bahin sa wala pa ang Disyembre, ang Propeta ug si Sidney nakahimo sa pagsangyaw, ug tungod niini nga paagi nahimo ang dako nga pagpakunhod sa dili maayong mga pagbati nga mitumaw batok sa Simbahan (tan-awa sa ulohan sa seksiyon 71).
1–2, Ang mga elder kinahanglang mopadayon sa pagsangyaw; 3–6, Si Joseph Smith ug si Sidney Rigdon kinahanglang mopadayon sa paghubad sa Biblia hangtod nga mahuman kini.
1 Kay sa pagkatinuod, ingon niini ang gisulti sa Ginoo, mahinungdanon kanako nga sila mopadayon sa pagsangyaw sa ebanghelyo, ug sa pag-awhag sa mga simbahan sa palibot nga mga rehiyon, hangtod sa komperensiya;
2 Ug unya, tan-awa, ipahibalo kini ngadto kanila, pinaagi sa tingog sa komperensiya, sa ilang pipila ka misyon.
3 Karon, sa pagkatinuod sultihan ko kamo akong mga sulugoon, Joseph Smith, Jun., ug Sidney Rigdon, miingon ang Ginoo, nga kinahanglan nga ipadayon ang paghubad;
4 Ug, kon ugaling mahimo man, nga mosangyaw sa palibot nga mga rehiyon hangtod sa komperensiya; ug human niana kinahanglan ipadayon ang buluhaton sa paghubad hangtod nga mahuman kini.
5 Ug himoa kini nga sundanan sa mga elder hangtod adunay dugang nga kahibalo, bisan sumala sa nahisulat.
6 Karon ako dili na mohatag kaninyo niini nga panahon. Baksi ang inyong mga bat-ang ug pagmaligdong. Ingon gayod niana. Amen.