Seksiyon 92
Pagpadayag nga gihatag ngadto ni Joseph Smith ang Propeta, didto sa Kirtland, Ohio, Marso 15, 1833. Ang pagpadayag nagmando ni Frederick G. Williams, kinsa bag-o lamang natudlo nga magtatambag ni Joseph Smith, mahitungod sa iyang mga katungdanan sa Hiniusa nga Patigayon (tan-awa ang mga ulohan sa mga seksiyon 78 ug 82).
1–2, Ang Ginoo naghatag og sugo mahitungod sa pagdawat ngadto sa hiniusa nga kapunongan.
1 Sa pagkatinuod, sa ingon niini miingon ang Ginoo, akong hatagan ang hiniusa nga kapunongan, nga gitukod subay sa sugo nga kanhi gihatag, og pagpadayag ug sugo mahitungod sa akong sulugoon nga si Frederick G. Williams, nga dawaton ninyo siya ngadto sa kapunongan. Ang akong isulti sa usa akong isulti alang sa tanan.
2 Ug usab, sultihan ko ikaw akong sulugoong Frederick G. Williams, mahimo ka nga usa ka madasigon nga sakop niini nga kapunongan; ug kon magmatinud-anon ka sa pagtuman sa tanan nga nahaunang mga sugo ikaw panalanginan sa kahangtoran. Amen.