Manome Tanana manerana izao tontolo izao
Izy no Stella avy any Ghana
Mifankafantara amin’ireo ankizy ao amin’ny Kilonga manampy ny hafa toa an’i Jesoa.
Ny mombamomba an’i Stella rehetra
Taona: 11
Fiaviana: Ghana
Fiteny: anglisy sy twi
Fianakaviana: Neny, Dada, sy i Yaw anadahiny
Tanjona sy nofinofy: 1) hanompo amin’ny fotoana feno toa an-dreniny. 2) Manambady any amin’ny tempoly. 3) Mpamorona lamaody
I Stella mamaky ny soratra masina miaraka amin’ny anadahiny.
Ireo asa fanomezan-tananana ataon’i Stella
Isan’andro vaky izao ianao dia mahita an’i Stella sy ny fianakaviany mamangy ilay ramatoa tompon-tranon’izy ireo izay mipetraka ao amin’ ilay trano lehibe misy ny trano ofain’izy ireo. Tsy mpihavana izy ireo kanefa “Bebe Cecilia” no iantsoan’i Stella sy ny anadahiny azy. Hoy i Stella: “83 taona izy ary tsy niteraka.” Tsikarik’i Stella sy ny fianakaviany fa nila fanampiana izy ary nanapa-kevitra izy ireo ny handray azy ho havana.
Manome tanana (manampy) foana i Stella amin’ny alalan’ny famafana sy fanasana ny gorodon’i Bebe Cecilia. Manan-danja amin’ny fahasalamana ny trano madio. Noho izany dia manao zavatra izay tena manampy an’i Bebe Cecilia i Stella. “Nanompo ny hafa i Jesoa Kristy” hoy i Stella, “dia izany no nitaona ahy hanompo azy. Fantatro fa faly i Jesoa Kristy sy ny Rainy rehefa manompo aho.”
Ireo zavatra tian’i Stella indrindra
Toerana: ny Tempolin’i Accra Ghana (“Toy ny lanitra eto an-tany.”)
Tantara momba an’i Jesoa: “Rehefa Izy nanome sakafo olona maro be tamin’ny alalan’ny trondro roa sy mofo dimy.”
Hiran’ny Kilonga: “Voantso hanompo” sy ny “Vavaky ny ankizy” (“Manome hery ahy mba hitia sy hanompo ireo.”)
Sakafo: fufu (akondro manta sy mangahazo potsehina) miaraka amin’ny saosisaosy sy henan’osy.
Loko: mavo
Taranja any an-tsekoly: famoronana zava-kanto
Sary nataon’i Paula Pang