Asehoy sy lazao
Ity kilasin’ny Kilonga ao Texas, Etazonia ity dia nanamboatra solaitrabe fametahana filazana ahitana an’i Kristy miaraka amin’ny olona rehetra ao amin’ny Kilonga mijoro manodidina Azy. Manampy ny rehetra hahatsapa ho akaiky kokoa Azy izany.
Arahaba avy amin’ny Kilongantsika any Dakar, Sénégal!
Niara-nanao dia be fitsimponana fako tamin’ny dadako aho ka nahangona fako 322 isa. Faly aho fa nampadio sy nampilamina kokoa ny teo amin’ny manodidina anay mba hahafaly ny olona hafa.
Sam D., 8 taona, Suffolk, Angletera
Manampy ahy hahatsiaro ireo fanekempihavanana manan-danja nataoko tamin’ny Ray any An-danitra ny batisako. Miezaka ny manaraka ireo didiny sy ho zanakavavy sy mpianatra tsara aho.
Demmi E., 9 taona, Tanànan’i Mekisika, Mekisika
Tamin’ny nisy doroala tany Australie dia nifady hanina ho an’ireo biby tra-doza aho. Nivavaka isak’alina izahay ho an’ireo mpamono afo mba harovan’ny Tompo izy ireo. Faly be aho rehefa nolazain’i Neny hoe maty ireo afo. Fantatro fa mihaino antsika ny Ray any An-danitra rehefa mifady hanina sy mivavaka isika.
Lincoln B., 9 taona, Victoria, Australie
Manana namana be dia be aho any am-pianarana, dia milalao be izahay. Indray andro izay aho nahita ankizivavy, dia naniry ny ho namany aho. Fantatro fa zavatra tsara izany satria lehibe ny hasarobidin’ny olona eo imason’ Andriamanitra.
Tatiana L., 6 taona, Sacatepéquez, Guatemala
Nilomano niaraka tamin’ny fianakaviako aho dia nahita zazalahy iray sahirana tao anaty rano. Nilomano nankeny aminy aho dia nanampy azy. Hoy ny zokiny lahy tamiko hoe mahery fo hono aho fa nanampy. Avy eo aho dia nahatsapa ny Fanahy Masina.
Christian M., 9 taona, Utah, Etazonia