Minamahal na mga Kaibigan,
Ang isyung ito ay tungkol sa mga pagpapala ng binyag! Isa ito sa pinakamagagandang bagay na magagawa mo. Mangangako kang sundin si Jesucristo. Magiging miyembro ka ng Kanyang Simbahan. At kapag kinumpirma ka, matatanggap mo ang Espiritu Santo para gabayan ka sa iyong landas pabalik sa Ama sa Langit. Ilang pahina tungkol sa binyag at sa Espiritu Santo ang mahahanap mo sa isyung ito?Mahal ka namin, Ang Kaibigan
Saan Ko Binabasa ang Kaibigan
Binabasa ni Daniel C., edad 12, Zulia, Venezuela, ang Kaibigan sa wikang Espanyol. Gustong-gusto niyang ibinibigay ang magasin sa kanyang mga kaibigan!
Templo’y Ibig Makita
Na-miss namin ang pagpunta sa templo nang isara ito dahil sa COVID-19. Kaya nagtayo ako ng isang templong gawa sa block para sa amin sa bahay!
Eliam P., edad 10, North Brabant, Netherlands
Matutong Manalangin
Gustong-gusto ko noon na ginagawa ang tagpo sa gubat at natututo tungkol kay Enos (Marso 2020). Nalaman kong maaari akong manalangin anumang oras.
Bethany S., edad 6, Tasmania, Australia