Pagtulong Tulad ni Jesus

Ibinahagi ni Jesus ang Ebanghelyo

Ang mga tao ay nagugutom kapag kailangan ng pagkain ng kanilang katawan. Nagugutom sila sa ibang paraan kapag kailangan nilang marinig ang ebanghelyo.

Isang araw, libu-libong katao ang pumunta para makita si Jesus. Pinakain silang lahat ni Jesus sa pamamagitan lang ng limang tinapay at iilang isda.

Kinabukasan, muling pumunta ang mga tao kay Jesus. Sinabihan sila ni Jesus na maghanap ng ibang uri ng tinapay. “Ako ang tinapay ng buhay,” sabi Niya. Kung mahahanap ng mga tao si Jesus at ang Kanyang ebanghelyo, ang kanilang mga espiritu ay hindi na muling magugutom kailanman.

Maaari mong basahin ang kuwentong ito sa Juan 6:5–13, 22–35.

Maaari Kong Tulungan ang Iba na Malaman ang tungkol kay Jesus

• Sino ang maaari mong tulungan na malaman ang tungkol kay Jesus?

• Manalangin at magplano na tulungan ang isang tao na malaman ang tungkol kay Jesus.

• Gawin ang iyong plano!

• Gupitin ang kard na ito para ipaalala sa iyo na ipagpatuloy ang pagtulong tulad ni Jesus.

Paano mo sinisikap na tularan si Jesus sa pamamagitan ng pagtulong sa iba? Isulat at ikuwento sa amin! Pumunta sa pabalat sa likod para makita kung paano.

Minsan ay sinabi ko sa aking kaibigan, “Nagsisimba ako at natututuhan ko ang tungkol sa ating Tagapagligtas na si Jesucristo.” Kalaunan ay nagsimula siyang magsimba na kasama namin. Sinabi niya na gusto raw niyang mabinyagan sa lalong madaling panahon! Ikinatuwa iyon ng aking kalooban.

Mary E., edad 8, Utah, USA

Paglalarawan ni Peter Francis