Kusaidia Kama Yesu

Yesu Aliwajumuisha Wengine

Siku moja kikundi cha watoto walikuja kumwona Yesu Kristo. Wafuasi Wake waliwaambia waondoke. Lakini Yesu akawaambia, “Waacheni watoto wadogo waje kwangu” (Marko 10:14). Hakutaka kuwaacha. Alitaka kukaa nao kwa sababu aliwapenda.

Mwokozi aliwabeba wale watoto mikononi Mwake. Aliwabariki. Aliwasaidia kujisikia kuwa wao ni watu muhimu.

Unaweza kusoma hadithi yote katika Luka 18:15–17 na Marko 10:13–16.

Ninaweza Kutengeneza Rafiki Mpya

• Mtafute mtu mgeni unayeweza kukutana naye.

• Fanya mpango wa wewe kuwa rafiki yao.

• Tekeleza mpango wako!

• Kata kadi hii ili ikukumbushe kuendelea kuwasaidia wengine kama alivyofanya Yesu.

Nilijisikia mpweke wakati wa mapumziko, hivyo nilimwomba mtu mmoja kama angeweza kucheza na mimi. Tulianza kucheza kwa kutumia chaki, na watu zaidi wakaongezeka, na ilikuwa ya kuburudisha sana! Kama unajisikia mpweke, unaweza kumwomba mtu fulani kucheza na wewe.

Kanyin P., umri miaka 8, Colorado, Marekani

Je, ni kwa jinsi gani wewe unajaribu kuwa kama Yesu kwa kuwasaidia wengine? Andika na utuelezee! Nenda kwenye jalada la nyuma ili upate maelezo ya jinsi ya kufanya hivyo.