Alang sa Mas Magulang nga mga Bata

Sugyot alang sa Kabataan ug Kabatan-onan

Pakig-istorya sa usa ka ginikanan o lider sa Primary mahitungod sa inyong mga tumong. Makapaambit sila og mga ideya ug makatabang sa pagdasig kaninyo! Mahimo gani kamong magtinabangay sa usa ka tumong.

Pagpanahi uban ni Mama

Gusto ko nga magkat-on sa pagtahi og usa ka habol alang sa akong umaabot nga masuso [baby] nga mga igsoong lalaki. Busa nagtakda ako og tumong. Ang akong mama mitudlo kanako unsaon sa paggamit ang makina sa pagpanahi, ug karon mahimo na nako kini nga ako lang! Mahinamon ako alang sa akong masuso nga mga igsoong lalaki nga makakita sa habol. Ug nalipay ko nga nakat-on ko unsaon sa pagtahi!

Jayci H., edad 9, Utah, USA

Sekreto nga Pagserbisyo

• Surprisaha ang usa ka ginikanan pinaagi sa pagbuhat og mabination nga butang alang kanila.

• Pagsulat ngadto sa usa ka misyonaryo o sa usa ka tawo nga anaa sa militar.

• Pasayloa ang inyong higala o igsoon kon sila makabuhat og butang nga makapasuko kaninyo.

Paghulagway pinaagi ni Juliann Law