Ipakita ug Isulti
Kini nga Primary sa Bavaria, Germany, ganahan nga makat-on mahitungod sa mga templo sa tibuok kalibotan!
Ganahan ko mobasa sa mga istorya sa Basahon ni Mormon ug motudlo sa akong manghod nga lalaki mahitungod niini. Akong gimahal ang akong pamilya.
Faith M., edad 8, Dar Es Salaam, Tanzania
Gusto ko nga masayod ang akong mga katigulangan mahitungod sa ebanghelyo. Kon mag-ampo ko mahitungod niini, makadawat ko og kahupay nga sila makakat-on og dugang didto sa kalibotan sa espiritu.
Ethan L., edad 9, Brittany, France
Ang akong bunyag nalangay atol sa COVID-19 nga pandemya. Nabalaka ko tungod kay ang akong amahan dili usa ka miyembro sa Simbahan ug dili mahimong mobunyag kanako. Ang Langitnong Amahan mitubag sa akong mga pag-ampo, ug nabunyagan ko sa gawas diha sa usa ka linaw. Ang ako lang pamilya ang nakaadto, apan ang Espiritu kusog kaayo. Gibati nako nga espesyal ug gihigugma.
Kenan E., edad 8, Washington, D.C., USA
Nagdagan ako uban sa akong mga higala alang sa among klase sa gym sa eskwelahan. Nagsugod sila sa pagpasipala sa ngalan sa Ginoo, ug mihangyo ko nila nga dili kana buhaton. Sila miuyon. Nalipay ko nga akong gibarogan ang unsay akong gituohan nga husto.
Gwen B., edad 10, Montana, USA
Mibangon ko gikan nga nakatagpilaw nga dunay ngil-ad nga mga hunahuna. Sa kalit lang, dunay misantop sa akong hunahuna nga sultihan ang akong mama. Aron matabangan ko nga mawagtang kadtong mga hunahuna, miingon si mama nga motan-aw og maayong mga butang ug isulti kini og kusog. Nasayod ko nga uban sa tabang sa Langitnong Amahan, ang tanan nga mga butang posible!
Carter R., edad 9, Washington, USA
Dihay dako nga sunog sa duol. Mihatag kami og mga butang sa mga tawo nga nawad-an sa ilang mga panimalay. Nangutana ang akong mama kon ihatag ba namo ang among keyboard. Dili ko gusto, apan nag-ampo ko aron matabangan ko nga makadesisyon. Human sa akong pag-ampo, nakahunahuna ko mahitungod sa usa ka tawo kinsa nawad-an sa ilang piano ug gimingaw niini. Midesisyon ko nga ihatag ang among keyboard. Nakapahimo kini nako nga mobati og maayo sa pagpaambit.
Mae B., edad 10, California, USA
Alice D., edad 9, Goiás, Brazil
Morena S., edad 7, Jujuy, Argentina
Corbin Z., edad 13, Utah, USA
Jane B., edad 10, Nebraska, USA
Nephi P., edad 11, Arizona, USA