Pag-atiman Kanako!

Friend Magazine, Global 2021/08 Aug

Pag-ehersisyo

Unsa ang imong paborito nga mga kalihokan nga makapadayon nimo sa paglihok?

Mga Sugyot

• Paningkamot nga makadula sa gawas og taudtaod sa kada adlaw.

• Himoa kining makalingaw! Paghimo og usa ka party nga adunay sayaw, magdula og sport, o manglakaw sa kinaiyahan.

• Kon ikaw naglingkod og dugay, paggahin og higayon nga makapahulay aron motuyhad ug molakaw sa palibot.

“[Sila] modagan ug dili maluya, ug molakaw ug dili makuyapan.”Doktrina ug mga Pakigsaad 89:20).

Matulog og Hustong Katulog

Unsay imong mabuhat aron makatulog og hustong katulog sa gabii?

Mga Sugyot

• Matulog ug momata sa samang higayon kada adlaw.

• Paningkamoti nga makatulog sulod sa siyam hangtod sa onse ka oras nga tulog sa matag gabii.

• Palunga ang imong mga device usa ka oras sa dili pa ang tingkatulog aron matabangan ka nga makapahulay og mas maayo.

“Mopahulay sa higdaanan og sayo, nga kamo dili maluya” (Doktrina ug mga Pakigsaad 88:124).

Kaon og Makapahimsog nga Pagkaon

Unsa ang inyong paborito nga makapahimsog nga mga pagkaon?

Mga Sugyot

• Sulayi sa pagkaon sa usa ka balanse nga sagol sa maayong mga pagkaon. (Tan-awa sa Doktrina ug mga Pakigsaad 89:10–17 alang sa mga ehemplo.)

• Mokaon sa mga ginagmay nga matam-is nga kalan-on, ug paningkamot nga dili magpermi.

• Pag-inom og daghang tubig kada adlaw.

“Tanan nga mga butang nga gikan sa yuta … gihimo … sa paglig-on sa lawas”(Doktrina ug mga Pakigsaad 59: 18–19).

Pagrelaks

Unsa ang imong ganahan buhaton aron marelaks?

Mga Sugyot

• Kon gibati nimo nga nabalaka, naguol o nasuko, pakigsulti sa usa ka kasaligan nga hamtong.

• Paggahin og panahon matag adlaw nga magmalinawon ug hilom.

• Pag-ampo sa Langitnong Amahan sa matag adlaw. Sultihi Siya sa unsay imong pasalamatan ug unsa ang imong gikinahanglan nga tabang.

“Hunonga ang inyong panag-away ug ilha ako nga mao ang Dios” (Salmo 46:10).

Paglikay sa Daotan

Ang pipila ka mga butang makadaot sa atong mga lawas o makaadik nga lisod kaayo sa paghunong sa paggamit niini. Ania ang pipila ka butang nga kinahanglan inyong likayan:

• Tabako

• Kape

• E-cigarette/vaping

• Tsa

• Ilimnon nga makahubog

• Makadaot nga mga droga

Mga paghulagway ni Josh Talbot

◆ Tan-awa sa Dali, Sunod Kanako alang sa Doktrina ug mga Pakigsaad 89–92.