Pagtabang Sama ni Jesus

Si Jesus Mitabang sa Daghang Paagi

Gigahin ni Jesus ang Iyang kinabuhi sa pagserbisyo ug pagtudlo sa uban. Sa dihang mas bata pa si Jesus, gitabangan Niya ang Iyang amahan sa iyang pagpamanday. Usa sa Iyang una nga mga milagro mao ang pagtabang sa Iyang inahan sa dihang nahudtan og bino sa usa ka kasal. Sa dihang nakakita Siya og usa ka tawo nga buta, Siya miayo kaniya. Gitabangan Niya ang mga bata nga mobati nga gihigugma ug giapil. Dili man kita makabuhat og sama nga mga milagro sa gibuhat ni Jesus, apan makasunod kita sa ehemplo ni Jesus pinaagi sa pagpangita og mga paagi nga makatabang sa labing maayong paagi nga atong mahimo.

Makatabang Usab Ako

• Unsa ang usa ka kahanas nga ikaw aduna nga mahimo nimong magamit sa pagtabang sa usa ka tawo?

• Pag-ampo ug paghimo og plano sa pagtabang.

• Buhata ang imong plano!

• Guntinga kini nga kard aron sa pagpahinumdom kanimo sa pagpadayon og tabang sama ni Jesus.

Giunsa nimo pagpaninguha sa pagtabang sa uban, sama sa gibuhat ni Jesus? Isulat ug sultihi kami. 

Ganahan ko nga motabang diha sa kosina aron sa paghimo og mga resipe. Ganahan ko og mga hayop, ug mao kana nganong ganahan ko nga motabang sa akong lolo sa pagpakaon kanila. Mao kana ang paagi nga ako motabang!

Elierys R., edad 9, Puerto Rico

Paghulagway pinaagi ni SIMON DEWEY