Dali, Sunod Kanako

Makalingaw nga Panahon sa Kasulatan

Kini nga mga ideya gipahiuyon sa Dali, Sunod Kanako—alang sa mga Indibidwal ug mga Pamilya matag semana.

Ehemplo nga mga Kandila

Imahe

boy wearing a candle necklace

Kantaha ang “Sama Ko sa Usa ka Bitoon (Songbook sa mga Bata, 84).
Si Jesus miingon nga kita kinahanglan nga mahimong “kahayag” ngadto sa uban (Doktrina ug mga Pakigsaad 86:11). Kana nagpasabot nga kita kinahanglan nga mahimong usa ka maayong mga ehemplo sa tanan.
Pagdrowing og usa ka kandila diha sa usa ka piraso nga papel ug kolori ang siga diha sa ibabaw. Guntinga kini ug ipapilit kini sa imong sinina o higti og hilo ug isab-it kini sa imong liog, sama sa kwintas. Uban sa imong pamilya, paghisgot unsa ang imong mabuhat aron mahimong usa ka maayong ehemplo.

Imahe

child stacking up blocks

Kantaha ang “Panimalay Mahimo nga Langit sa Yuta,” (Mga Himno, nu. 186).
Gusto sa Langitnong Amahan nga atong “[tukuron] ang … usa ka balay sa Dios” (Doktrina ug mga Pakigsaad 88:119). Gusto Siya nga atong himoon ang atong mga panimalay nga balaan nga dapit sama sa templo, diin kita makabati sa Espiritu Santo.
Basaha “Ang Importanting Bisita” sa pahina 4. Dayon pagtukod og balay gikan sa mga bloke, mga tukog, o laing mga butang nga inyong makit-an. Matag higayon nga magdugang kamo og usa ka piraso sa balay, pagsulti og usa ka butang nga mahimo ninyong buhaton aron ang inyong panimalay mahimong dapit diin ang Espiritu Santo mobati nga gihangop.

Imahe

girl stretching

Kantaha “Ang Ginoo Naghatag Kanako og Templo” (Songbook sa mga Bata, 73).
Gusto sa Langitnong Amahan nga atimanon nato ang atong mga lawas. Siya mihatag kanato sa Pulong sa Kaalam aron sa pagtabang kanato nga mahimong himsog ug malipayon (tan-awa sa Doktrina ug mga Pakigsaad 89:18–20).
Basaha ang istorya sa kasulatan sa pahina 42 aron makakat-on kon sa unsang paagi kita nakadawat sa Pulong sa Kaalam. Dayon buhata ang kalihokan sa pahina 24 nga dungan.

Imahe

child holding a rock

Kantaha ang “Ako Anak sa Dios” (Songbook sa mga Bata, 2–3).
Mipuyo kita uban sa Langitnong Amahan sa wala pa kita moanhi sa yuta (tan-awa sa Doktrina ug mga Pakigsaad 93:23). Kitang tanan Iyang mga anak.
Pangita og pipila ka hamis nga mga bato ug isulat ang “Ikaw anak sa Dios” diha niini gamit ang pintal o igmamarka. Dayon ihatag ang matag bato ngadto sa usa ka higala, sakop sa pamilya, o usa ka tawo nga sa imong hunahuna makagamit sa usa ka pahinumdom.

Mga paghulagway ni Katy Dockrill