Matt ug Mandy
Si Matt ug si Mandy adunay og usa ka bag-ong paagi sa pagmemorya sa mga Artikulo sa Hugot nga Pagtuo—gamit ang checkers! Sa dili pa molihok, ang usa ka magdudula mosag-ulo sa unang pipila ka mga pulong. Ang sunod nga magdudula mosabat niini ug dayon idugang ang pipila ka mga pulong sa dili pa ilang turno sa paglihok.
“… tanan nga gipadayag sa Dios …”
Ang tanan nga gipadayag sa Dios daghan kaayo! Ang Biblia, Basahon ni Mormon, ug, kuan … daghan pa!
Ang sunod nga gibuhat …
“… tanan nga gipadayag Niya karon …” Pa, unsa ang pipila ka mga pananglitan?
Nan, naglakip kini sa mga butang nga atong makat-onan sa komperensiya.
Sama sa asa ang bag-ong mga templo pagatukuron!
Pipila pa ka paglihok ang milabay …
“… Siya mopadayag pa og daghang dagko ug mahinungdanon nga mga butang …”
Ganahan ko nga Dios makigsulti gihapon kanato pinaagi sa Iyang mga propeta.
Ikasiyam nga Artikulo sa Hugot nga Pagtuo
“Kami nagtuo sa tanan nga gipadayag sa Dios, sa tanan nga gipadayag niya karon, ug kami nagtuo nga Siya mopadayag pa og daghan nga dagko ug mahinungdanon nga mga butang kalabut sa Gingharian sa Dios.”
Mga paghulagway ni Matt Sweeney