Gikan sa Unang Kapangulohan
Ang Gahom sa usa ka Panalangin sa Pagkapari
Gipahiangay gikan sa “Neither Trust in the Arm of Flesh” (Brigham Young University commencement speech, Abr. 23, 2009), speeches.byu.edu.
Daghang katuigan ang milabay, mitambong ko og usa ka miting uban ang laing mga doktor sa usa ka gamayng lungsod sa Mexico. Usa ka gabii, usa sa mga doktor kalit lang nga nagkasakit og pag-ayo.
Daghan ang mga doktor nga anaa didto. Apan wala kami sa mga kahimanan nga among gikinahanglan aron matabangan ang tawo nga nasakit. Ang pinakaduol nga ospital molapas pa sa 100 ka milya (160 km) ang kalay-on. Gabii kadto, ug walay eroplano nga makabiyahe. Nagtuo kami nga mamatay siya. Unsay among mahimo?
Ang masakiton nga doktor mihunghong ug nangayo og panalangin sa pagkapari. Akong gibutang ang akong mga kamot sa iyang ulo. Akong gibati ang Espiritu Santo nga nagsulti kanako nga ang masakiton nga doktor mamaayo. Siya mabuhi ug makabalik nga luwas sa iyang panimalay. Ako mihatag kaniya og panalangin sa ngalan sa Ginoo.
Pagkasunod buntag, ang doktor miarang-arang. Pipila ka adlaw human niana, nakauli siya sa panimalay. Mipasalamat kami sa Ginoo alang niining labing talagsaong panalangin.
Ang leksyon nga among nakat-onan yano: “Salig sa Ginoo sa bug-os mong kasingkasing, ug ayaw gayod pagsalig sa imong kaalam” (Mga Proverbio 3:5). Kita nakasinati niini sa atong mga kaugalingon. Nasayod kita nga tinuod kini.
Tinuod usab nga ang Dios mao ang nagdumala. Dili tanang panalangin matubag sa paagi nga atong gusto. Kita kinahanglan lamang nga mopalambo sa atong hugot nga pagtuo diha Kaniya.
Ang Pagkapari Nagapanalangin Kanako
Ang gahom sa pagkapari sa Langitnong Amahan nagapanalangin sa atong mga kinabuhi sa daghang paagi. Ang mga kard nga anaa sa ubos nagpakita sa pipila ka mga panalangin nga maangkon natong tanan tungod sa pagkapari. Guntinga kini ug ibutang nga magkulob. Dayon pagpuli-puli sa pagpili og usa ug sa pagsulti kon sa unsang paagi kini nakatabang kanimo o makatabang kanimo sa umaabot nga adlaw!
-
Ako mahimong mabunyagan.
-
Ako mahimong makaangkon sa gasa sa Espiritu Santo.
-
Drowinga og Usab!
-
Ako makaambit sa sakramento.
-
Ako makaangkon og usa ka panalangin aron mohupay kanako o makatabang nako nga mamaayo.
-
Sunod nga Magdudula
-
Makakuha ko og rekomend sa templo.
-
Makakuha ko og patriyarkal nga panalangin.
-
Drowinga og Usab!
-
Ako makahimo og mga bunyag diha sa templo.
-
Ako makahimo og sagradong mga pakigsaad diha sa templo.
-
Sunod nga Magdudula
-
Ako mahimong matawag sa usa ka misyon ug moserbisyo sa mga calling sa Simbahan.
Mga paghulagway ni Guy Francis