Dali, Sunod Kanako
Makalingaw nga Panahon sa Kasulatan alang sa Gagmay nga mga Bata
Kini nga mga ideya gipahiuyon sa Dali, Sunod Kanako—alang sa mga Indibidwal ug mga Pamilya matag semana.
Alang sa Doktrina ug mga Pakigsaad 85–87: Pagkanta og himno o kanta sa Primary nga hilom kaayo. Praktisa ang pagpaminaw ug pagsabot sa kanta. Tabangi ang inyong gagmayng mga bata nga moingon, “Ako makapaminaw sa Espiritu Santo.”
Alang sa Doktrina ug mga Pakigsaad 88: Tabangi ang inyong gagmayng mga bata nga mosulti og, “Ang Langitnong Amahan gusto nga ako makakat-on.” Paghisgot mahitungod sa maayo nga mga butang nga atong makat-onan sa simbahan ug sa eskwelahan. Ipadrowing sa inyong gagmayng mga bata kon unsa ang ilang nakat-onan.
Alang sa Doktrina ug mga Pakigsaad 89–92: Ipadrowing sa mga sakop sa pamilya ang mga hulagway sa mga paagi sa pag-atiman sa ilang mga lawas (sama sa pagkaon og mahimsog nga mga pagkaon o magdula sa gawas). Tabangi ang inyong gagmayng mga bata nga moingon, “Ako makaatiman sa akong lawas.”
Alang sa Doktrina ug mga Pakigsaad 93: Magpuli-puli sa paggiya sa mga sakop sa pamilya libot sa inyong panimalay o sa laing dapit sa gawas. Kon ngitngit, ipagamit sa lider ang usa ka flashlight o ubang mga tinubdan sa kahayag. Hisgoti kon sa unsang paagi kita mapanalanginan kon kita mosunod sa Manluluwas. Tabangi ang inyong gagmayng mga bata sa pagsulti og, “Ako mahimong mosunod ni Jesukristo.”
Mga paghulagway ni Alessia Girasole