Matinabangong mga Kamot [Helping Hands] sa tibuok Kalibotan

Himamata si Porter gikan sa Poland

Gikan sa usa ka interbyu uban ni Amie Jane Leavitt.

Himamata ang mga bata sa Primary nga nagtabang sa uban, sama sa gibuhat ni Jesus.

Tanan mahitungod ni Porter

Edad: 10

Gikan sa: USA ug naa nagpuyo sa Poland

Mga Pinulongan: Iningles ug nagkat-on og French

Pamilya: Papa, Mama, mga igsoon nga lalaki nga sila si Ethan, Mason, ug si Connor, ug usa ka iro nga ginganlan og si Ginger

Mga tumong ug mga pangandoy: Mahimong usa ka vet ug moatiman sa mga hayop.

Matinabangong mga Kamot [Helping Hands] ni Porter

Si Porter kanunayng mangita og gagmay nga mga butang nga iyang mahimo aron makatabang sa uban. Diha sa panimalay, motabang siya sa iyang mga ginikanan sa pag-andam og pagkaon alang sa pamilya. Sa eskwelahan, iyang siguroon nga ang tanan makaapil sa mga dula, ilabi na sa mga bata nga kasaragan dili ipaapil. Siya nagtabang sa pag-atiman sa mga ekipo sa recess, bisan kon siya wala magdula niini. Buhaton usab niya ang mga butang aron matabangan ang mga hayop. Kabahin siya sa usa ka club sa eskwelahan nga naghimo og mga dulaan alang sa mga iro diha sa puy-anan sa mga hayop [animal shelter].

Si Porter mitabang usab pinaagi sa pag-apil sa proyekto sa BillionGraves. Siya ug ang iyang pamilya miadto sa usa ka sementeryo aron mokuha og mga litrato sa mga lapida. Ang iyang igsoong lalaki nga si Connor mitabang sa pagpanguha og mga litrato. Dayon ilang gi-upload ang mga litrato sa website sa proyekto. Kini nga mga litrato makatabang sa mga tawo sa tibuok kalibotan kinsa nangita og impormasyon sa Polish nga mga katigulangan.

Mga Paborito ni Porter

Dapit: Virginia, USA, ug Hersheypark sa Pennsylvania, USA

Ang Istorya mahitungod ni Jesus: Sa dihang Siya mipakalma sa dagat

Kanta sa primary: “Getsemani” (Marso 2018 Liahona)

Pagkaon: Mandoo (Koreano nga mga dumpling)

Kolor: Morado [Purple]

Mga subject sa eskwelahan: Pagbasa ug math

Si Porter nagtabang sa pagpanguha og mga litrato diha sa usa ka menteryo alang sa tibuok kalibotan nga proyekto sa kasaysayan sa pamilya.