Ngaahi Fakamatala ʻo e Konifelenisí
ʻUhinga ʻEtau ʻAlu ki he Lotú
Naʻe pehē ʻe Palesiteni ʻOakesi ʻoku mahuʻinga ʻa e ʻalu ki he lotú. Ko e taimi ʻoku tau ʻalu ai ki he lotú, te tau lava ʻo ngāue fakataha ke tokoniʻi e niʻihi kehé. Te tau lava ʻo tokoni ki he kakai ʻoku tuenoá mo fakahā ha ʻofa kiate kinautolu. Te tau lava foki ʻo maʻu ʻa e sākalamēnití mo hū kia Sīsū Kalaisi.
ʻOku akoʻi au ʻe he meʻá ni:
Ko e Hingoa ʻo e Siasí
Naʻe talanoa ʻa ʻEletā ʻEnitaseni fekauʻaki mo ha kiʻi taʻahine ʻi Tahiti naʻá ne fakaʻaongaʻi e hingoa kakato ʻo e Siasí. ʻI he taimi naʻe ʻeke ange ai ʻe heʻene faiakó pe ko ha Māmonga iá, naʻá ne pehē ange, “Ko ha mēmipa au ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.” Naʻe fakaʻamu ʻene faiakó ke ako lahi ange ki he Siasí. Naʻe papitaiso ʻene faiakó kimui ange!
ʻOku akoʻi au ʻe he meʻá ni:
Ko Ha Taumuʻa ʻi he Folofolá
Naʻe talanoa ʻa Sisitā Kōtoni fekauʻaki mo ha kiʻi taʻahine naʻá ne fokotuʻu ha taumuʻa ke lau e folofolá. Naʻá ne lau ha veesi ʻe nima he pongipongi kotoa pē. Naʻá ne fakaafeʻi leva ʻene ongomātuʻá mo hono ngaahi tokouá mo e tuongaʻané ke nau laukonga fakataha mo ia. Naʻá ne tokoniʻi hono fāmilí ke nau ofi ange kia Sīsū Kalaisi.
ʻOku akoʻi au ʻe he meʻá ni:
Feʻiloaki mo e Ongo Faifekaú
Naʻe vahevahe ʻe ʻEletā Kiufila ʻa e anga ʻene kau ki he Siasí ʻi Sileí. ʻI ha ʻaho ʻe taha, naʻá ne sio ai ki ha ongo faifekau naʻá na ʻaʻahi ange ki hono kaungāʻapí. Naʻá ne ʻeke ange ki hono kaungāʻapí fekauʻaki mo kinaua, pea naʻe fakaafeʻi ia [ʻe hono kaungāʻapí] ke nau talanoa. Naʻe hanga ʻe he ongo faifekaú ʻo akoʻi ia mo ʻene faʻeé ke na tui kia Sīsū Kalaisi. Naʻá na maʻu ha fakamoʻoni peá na fili ke papitaiso.
ʻOku akoʻi au ʻe he meʻá ni:
Ngaahi tā fakatātā ʻa Apryl Stott