ʻInitaviu ha Mēmipa ʻo e Fāmilí

Te ke hoko he ʻahó ni ko ha taha faiongoongo, ko ha taha fakatotolo, mo ha faihisitōlia! ʻOku tokoni ʻa e ako fekauʻaki mo ho fāmilí ke mahino kiate koe ʻa e feituʻu naʻá ke haʻu mei aí. Ko ia ai, toʻo mai ha meʻa tepi hiki pe ha peni mo ha pepa pea fai ha ngaahi fehuʻi ki ha kāinga.

Naʻá ke fēfē ʻi hoʻo kei siʻí?
Ko e hā ha niʻihi ʻo e ngaahi hiva mo e faʻahinga mūsika naʻá ke saiʻia taha aí? ʻOku kei tatau nai ia he taimí ni?
Ko e hā ʻokú ke saiʻia taha ai fekauʻaki mo hoʻo ongomātuʻá?
Ko e hā ha meʻa ʻe taha ʻokú ta tatau ai?
Naʻe fēfē ʻa e maʻu meʻatokoni efiafi angamaheni ʻa e fāmilí ʻi hoʻo tupu haké? Ko e hā ha niʻihi ʻo e ngaahi meʻakai naʻá ke saiʻia taha aí?
Ko e hā ha potufolofola ʻe taha naʻá ne tokoniʻi koe?
Ko e hā ha ngaahi meʻa ne hoko fakaemāmani lahi naʻá ne uesia lahi taha koe ʻi hoʻo kei siʻí?
Ko e hā ho ngāué pea naʻá ke fili fēfē ia?