Si‘i Ngaahi Kaungāmeʻa,

ʻI he kuonga muʻá, naʻe hiki ʻe he kau palōfitá ha ngaahi lea mahuʻinga mei he Tamai Hēvaní. ʻOku tau lau he ʻahó ni ʻa e ngaahi lea ko iá ʻi he ngaahi folofolá. ʻOku folofola mai foki ʻa e Tamai Hēvaní kiate kitautolu ʻi he ʻahó ni, ʻo fakafou mai ʻi Heʻene kau palōfitá!

Ne tau fanongo he māhina kuo ʻosí, ki he lea ʻa e palōfitá mo e kau taki kehe ʻo e Siasí ʻi he konifelenisi lahí. Naʻa nau vahevahe ʻa e ngaahi lea naʻe finangalo ʻa e Tamai Hēvaní ke tau fanongo ki aí. ʻAlu ki he peesi 2–7 ke manatuʻi ha konga ʻo e ngaahi meʻa ne nau vahevahé. Te ke muimui fēfē ki he ngaahi akonaki ʻa e palōfitá?

ʻOfa atu,

Ko e Kaumeʻá

Feituʻu ‘Oku Ou Lau Ai ʻa e Kaumeʻá

ʻOku lau ʻe Paola C., taʻu 7, ʻa e Kaumeʻá ʻi he lea faka-Potukalí ʻi Sanitā Katalina, Palāsila!

ʻOku Mau Saiʻia ke Sio ki he Temipalé

ʻI he Sāpate kotoa pē, ʻoku lue holo ʻa Noa mo Henelī B., taʻu 6 mo e 8, ʻi he kelekele ʻo e Temipale Houston Texas mo hona fāmilí.

Fakamālō Atu!

Fakamālō atu ʻi hoʻomou makasini fakaʻofoʻofá! Neongo ʻoku ou lau ʻa e makasini Ki Hono Fakamālohia ʻo e Toʻu Tupú, ka ʻoku ou kei saiʻia ʻaupito pē ʻi he Kaumeʻá.

Jayden H., taʻu 11, Pueto Liko