Ngaahi Talanoa mei he Folofolá
Ko e Temipale Nāvuú
Naʻe langa ʻe he Kāingalotú ha kolo foʻou naʻe ui ko Nāvū. Naʻe fakahā ange ʻe he ʻOtuá ke nau langa ha temipale ai.
Naʻe ngāue mālohi ʻa e Kāingalotú ke langa ia. Naʻa nau langa ia ʻo ofi ki ha vaitafe lahi. Naʻa nau tongitongi ʻa e ngaahi laʻaá mo e ngaahi fetuʻú ki he maká.
Naʻe folofola ʻa e ʻEikí ke langa ha faiʻanga papitaiso ʻi he loto temipalé. Naʻe fakafonu ʻaki ia ʻa e vaí.
Naʻe papitaiso ha kakai maʻá e kau mēmipa ʻo e fāmilí ne pekia kimuʻa pea lava ke nau papitaisó.
Te u lava ʻo nofo fakataha mo hoku fāmilí ʻo taʻengata koeʻuhí ko e ngaahi temipalé. Te u lava ʻo hū ki loto ʻi ha ʻaho ke fakahoko ʻa e ngaahi papitaiso ʻi he temipalé.
Ngaahi tā fakatātā ʻa Apryl Stott