Tohi ʻe Koe
Feʻiloaki mo e Palōfitá
Fai ʻe Steven R., taʻu 12, Pueto Liko
ʻI he ngaahi taʻu siʻi kuohilí, naʻe haʻu ai ʻa Palesiteni Nalesoni ki hoku fonua tupuʻangá ʻi Pueto Liko. Ne hoko ʻeni ko ha tāpuaki lahi. Ne u fakaʻamu maʻu pē ke u sio kiate ia. Pea naʻá ku fie maʻu ha faingamālie ke feʻiloaki mata ki he mata mo ia. Naʻe talamai ʻe heʻeku faʻeé ʻe faingataʻa koeʻuhí ʻe ʻi ai ha kakai tokolahi ʻi he fakatahá. Naʻá ku kei maʻu pē ʻa e tuí, pea naʻá ku lotu lahi ke u lava ʻo feʻiloaki mo ia.
Lolotonga ʻene leá, naʻá ku fai ha kiʻi tohi nounou kiate ia. Naʻá ku maʻu ha ʻamanaki lelei mo ha tui te u lava ʻo ʻoange kiate ia ʻeku tohí. ʻI he ʻosi ʻa e ngaahi leá, naʻá ku feinga ke u lue atu ke ofi ange. Naʻá ne sio mai ki hoku kiʻi tehiná peá ne lue mai mo malimali fiefia kiate ia. Peá ne lulululu leva mo au! Naʻá ne talamai, “Te ke hoko ko ha faifekau maʻongoʻonga.” Te u manatuʻi maʻu pē ʻene ngaahi leá.
Tā fakatātaaʻi ʻe McQuinn Belnap