Ngaahi Tāpuaki ʻo e Hisitōlia Fakafāmilí

Antonella N., taʻu 10, Vahefonua Sanitiako Metulopolitení, Silei

Talu mei heʻeku kei siʻí, mo ʻeku fie ngāue ʻi he FamilySearch ʻo hangē ko ʻeku ongomātuʻá. Naʻe tokoni mai ʻeku ongomātuʻá ke faʻu ha ʻakauni ʻi he taimi ne u papitaiso aí. Naʻá ku ako vave ʻaupito e founga index ʻo e ngaahi hingoá.

Kuo tokoniʻi au ʻe he polokalama ʻa e Fānaú mo e Toʻu Tupú ke u fakalakalaka ʻi he hisitōlia fakafāmilí. Kuó u ako lahi ange fekauʻaki mo hoku fāmilí. ʻOku ou ʻofa lahi ange ʻi hoku fāmilí he taimí ni. ʻOku ou fie tokoni ki he niʻihi kehé ke fakatahaʻi honau ngaahi fāmilí ʻo taʻengata.

ʻOku fakaʻofoʻofa ke ngāue maʻa ʻetau ngaahi kuí. ʻOku fakaofo ke ongoʻi e ʻofa ʻa ʻetau Tamai Hēvaní. ʻOkú Ne ʻomi ʻa e faingamālie ke tau hoko ko ha ngaahi fāmili taʻengata. ʻOku mahuʻinga ke tau ʻiloʻi te tau lava ʻo ngāue maʻa hotau ngaahi fāmilí mo e ngaahi fāmili kehe ʻoku nau fekumi ki honau ngaahi ʻofaʻangá.