Haʻu, ʻo Muimui ʻIate Au

Taimi Fiefia ʻi he Folofolá ma‘á e Fānau Īkí

ʻOku fakafekauʻaki e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike kotoa pē.

Ki he Tokāteline mo e Ngaahi Fuakava 125–128: Taufetongi ʻi hono lea ʻaki ha ngaahi meʻa lelei fekauʻaki mo e niʻihi kehé. Tokoni ki hoʻo fānau īkí ke nau pehē, “ʻOku ou ʻofa ʻi hoku fāmilí.”

Ki he Tokāteline mo e Ngaahi Fuakava 129–132: Tā fakataha ha fakatātā ʻo ha temipale. Tuku ki he tokotaha takitaha ke ne tokoni ʻi hono tā ha konga ʻe taha. Tokoni ki hoʻo fānau īkí ke nau pehē, “ʻOku tāpuekina ʻe he temipalé hotau fāmilí.”

Ki he Tokāteline mo e Ngaahi Fuakava 133–134: Kole ki hoʻo fānau īkí ke nau fiefia mo pasipasi. Talanoa fekauʻaki mo e founga ʻe hoko ai ʻa e Hāʻele ʻAnga Ua Mai ʻa Sīsuú ko ha meʻa fakafiefiá. Tokoni ki hoʻo fānau īkí ke nau pehē, “ʻE toe hāʻele mai ʻa Sīsū!”

Ki he Tokāteline mo e Ngaahi Fuakava 135–136: Vakai ki ha ngaahi fakatātā mei he ngaahi makasini pe uepisaiti ʻa e Siasí ʻoku hā ai ha ngaahi ʻata mei moʻui ʻa Siosefa Sāmitá. Tokoni ki hoʻo fānau īkí ke nau pehē, “Naʻe hoko ʻa Siosefa Sāmita ko ha palōfita.”

Ngaahi tā fakatātā ʻa Alessia Girasole