Haʻu, ʻo Muimui ʻIate Au
Taimi Fiefia ʻi he Folofolá
ʻOku fakatatau ʻa e ngaahi fakakaukau ko ʻení ki he Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike kotoa pē.
Fiefia ʻi he Hisitōlia Fakafāmilí
Ki he Tokāteline mo e Ngaahi Fuakava 125–128
-
Hivaʻi ʻa e “Tohi Hohokó—ʻOku ou Fai Ia” (Tohi Hiva ʻa e Fānaú, 100).
-
ʻOku finangalo ʻa e Tamai Hēvaní mo Sīsū ke tau ʻofa ʻi hotau ngaahi fāmilí (vakai, Tokāteline mo e Ngaahi Fuakava 126:3). ʻOku kau ai ʻa e ako kau ki hotau hisitōlia fakafāmilí.
-
Lau fakataha ʻa e talanoa ʻi he peesi 12. Pea vakai ki he peesi 29 ke maʻu ha ʻekitivitī hisitōlia fakafāmili fakafiefia. Tohi mai kiate kimautolu pea vahevahe mai e meʻa naʻá ke ngaohí! Vakai ki he takafi muí ke ke ʻiloʻi ʻa e foungá.
Ko ʻEku Fuʻu ʻAkau Fakafāmilí
Ki he Tokāteline mo e Ngaahi Fuakava 129–132
-
Hivaʻi ʻa e “Ko e Fāmilí ke Taʻe Ngata” (Ngaahi Himí, 192).
-
Naʻe akoʻi ʻe Sīsū ʻoku mahuʻinga ʻa e fāmilí. ʻE lava ke silaʻi kitautolu ʻi he temipalé ki hotau ngaahi fāmilí ʻo taʻengata (vakai, Tokāteline mo e Ngaahi Fuakava 132:19).
-
Ngaohi ha fuʻu ʻakau fakafāmili! Tuku ke faʻu ʻe he mēmipa takitaha ʻo e fāmilí ha lauʻi ʻakau pepa pea tohi ai honau hingoá. Tā ʻi ha laʻipepa ʻe taha ha sinoʻi ʻakau. Hili iá pea kuluuʻi pe tepiʻi ʻa e ngaahi lauʻi ʻakau (pepá) ki he tumuʻaki ʻo e fuʻu ʻakaú.
ʻI he Hāʻele Mai ʻa Sīsuú
Ki he Tokāteline mo e Ngaahi Fuakava 133–134
-
Hivaʻi ʻa e “ʻO Ka Ne Ka Toe Haʻú” (Tohi Hiva ʻa e Fānaú, 46).
-
ʻE ʻi ai ha ʻaho ʻe toe hāʻele mai ai ʻa Sīsū Kalaisi ki he māmaní (vakai, Tokāteline mo e Ngaahi Fuakava 133:19–21, 25). Te tau lava ʻo teuteu ʻaki haʻatau ako ʻo kau kiate Ia, ʻofa ʻi he niʻihi kehé, mo tauhi e ngaahi fekaú.
-
Vakai ki he peesi 15 pea fai ha ʻekitivitī fekauʻaki mo e Hāʻele ʻAnga Ua Maí. Te ke lava foki ʻo tā ha fakatātā ʻo e meʻa ʻokú ke pehē ʻe hoko ʻi he Hāʻele ʻAnga Ua Maí.
Sēini Fakafetaʻí
Ki he Tokāteline mo e Ngaahi Fuakava 135–136
-
Hivaʻi ʻa e “ʻOku Mau Fakamālō” (Ngaahi Himí, fika 16.)
-
Ko Siosefa Sāmitá ko ha palōfita ia ʻa e ʻOtuá (vakai, Tokāteline mo e Ngaahi Fuakava 135:3). Naʻá ne akoʻi mai kiate kitautolu ʻo kau ki he Tamai Hēvaní mo Sīsū Kalaisi. Na‘á ne tokoni ke fakafoki mai ʻa e Siasi ʻo Sīsū Kalaisí.
-
Ko e hā ʻokú ke houngaʻia ai ʻia Siosefa Sāmitá? Naʻá ne ʻomi e Tohi ʻa Molomoná, temipalé, mo ha ngaahi tāpuaki lahi kehe, ʻi he fakahinohino ʻa e Tamai Hēvaní. Tā pe hiki ha niʻihi ʻo e ngaahi tāpuaki ko ʻení ʻi ha fanga kiʻi laʻipepa. Hili iá pea faʻu ha sēini pepa mei ai!
Ngaahi tā fakatātā ʻa Katy Dockrill