ʻEletā Kongi mo e Temipalé

ʻOku ngāue fakaetauhi ʻa e kau ʻAposetoló ki he kakai ʻi he funga ʻo e māmaní pea akoʻi kinautolu fekauʻaki mo Sīsū Kalaisi.

ʻI ʻOkatopa 2020, naʻe ʻalu ʻa ʻEletā Kēliti W. Kongi mo hono uaifi ko Sūsaná, ki ha tanupou ʻo e temipale ʻi Teilasivili, ʻIutā, USA.

Ko e ʻuluaki sitepu ki hono langa ʻo ha temipale ko hono keli hake ʻa e kelekelé. Hili iá, ʻe kamata leva e langá!

ʻE haʻu ʻa e kakaí ki heni ke fai ha ngaahi palōmesi toputapu ki he Tamai Hēvaní. Te nau omi ke silaʻi kinautolu ki honau ngaahi fāmilí.

ʻI he taimi ʻe ʻosi ai ʻa e temipalé, ʻe fakatapui ia ko ha fale ʻo e ʻEikí. Ko hono fōtungá ʻeni.

“ʻOku mau houngaʻia ʻi he lava ke maʻu ʻe ha kakai tokolahi ange ʻa e ngaahi fuakava ʻo e temipalé.”