Meʻa Fakafiefiá
Fakatauhoa ʻi he Hisitōlia Fakafāmilí
ʻOku haʻu ʻa ʻEva mei Lūsia. ʻOkú ne saiʻia ʻaupito hono fakahoko e ngaahi ʻekitivitī ʻi he hisitōlia fakafāmilí! ʻOkú ne faʻu ha ngaahi vitiō ke vahevahe ʻene ngaahi fakakaukaú mo e niʻihi kehé. Ko ha meʻa ʻeni ʻe taha te ke lava ʻo ʻahiʻahiʻi.
-
Tā pe paaki ha fakatātā ʻe ua ʻo e mēmipa takitaha ʻo e fāmilí—ko e taha ʻi heʻenau kei siʻí pea taha ʻi heʻenau matuʻotuʻa angé.
-
Fakapipiki ʻa e ngaahi fakatātaá ʻi ha pepa fefeka. Teuteuʻi ʻa e tuʻa laʻipepá. (Naʻe teuteuʻi ʻaki ʻe ʻEva ha vali vai!) Hili iá pea kosi ʻo toʻo e ʻū fakatātaá ke ngaohi ha ʻū kaati.
-
Fakahoko leva ha kiʻi vaʻinga fakatauhoa! Fakafoʻohifo ʻa e ʻū kātí. Toʻo hake ha kaati ʻe ua. Kapau ʻe ʻasi ai ha kakai kehekehe, fakafoʻohifo ia. Kapau ʻe ʻasi ai ʻa e tokotaha tatau, tauhi ʻa e ongo kātí pea toe fai pē meʻa tatau. Ko e foʻi hoa ʻe fiha te ke lava ʻo maʻú?