Ngaahi Nima Fietokoni ‘i he funga ʻo e Māmaní

Feʻiloaki mo Makeili mei ʻUlukuaí

Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.

Ngaahi me‘a kotoa pē fekauʻaki mo Makeilí

Taʻu Motuʻá: 11

Mei: ʻUlukuai

Lea Fakafonuá: Faka-Sipeini

Fāmili: Papa, Mama, tuongaʻane ʻe taha, ongo tokoua, mo Kulenimā

Ngaahi Taumu‘á mo e Fakaʻamú: 1) ʻAlu ʻo ngāue fakafaifekau. 2) Ngāue mo e UNICEF ke tokoniʻi e fānau ʻi he funga ʻo e māmaní.

Ngaahi Nima Fie Tokoni ʻa Makeilí

ʻOku tokoni ʻa Makeili ki heʻene ongomātuʻá ʻi honau fāmá. ʻOkú ne tānaki ʻa e ngaahi fuaʻimoa ʻo e fanga moá ke kai ʻe hono fāmilí. ʻOkú ne ʻave ha huʻakau ki he fanga kiʻi ʻuhikiʻi pulú mo e vai ki he fanga kiʻi lāpisí. Kuo akoʻi ia ʻi heʻene tokoniʻi hono fāmilí ko e ngāue tokoní ko ha meʻa mahuʻinga ʻaupito ia. ʻOku pehē ʻe Makeili, “ʻOku totonu ke tau tokoniʻi maʻu pē ʻa kinautolu ʻoku tau feohí.”

Ko e founga ʻe taha ʻoku tokoni ai ʻa Makeilí ko hono tokoniʻi ʻene kuifefiné ke ne lau e folofolá, tautautefito ki he Tohi ʻa Molomoná. ʻOkú ne fiefia ʻaupito ke muimui kia Sīsū ʻaki ʻene tokoniʻi e niʻihi kehé.

Ngaahi Meʻa ʻOku Manako Taha ai ʻa Makeilí

Feituʻu: Temipale Montevideo Uruguay

Talanoa fekauʻaki mo Sīsuú: ʻI he taimi naʻe fakamoʻui ai ʻe Sīsū ʻa e fefine naʻe ala ki Hono pulupulú

Hiva Palaimelí: “ʻI heʻeku Papitaisó” (Tohi Hiva ‘a e Fānaú, 53)

Meʻakai: Meʻatokoni kotoa pē ʻoku ngaohi ʻe heʻene faʻeé

Lanu: Pingikī

Lēsoni ʻi he Akó: Fika